لاتسال عراقي ليش ايذب حسرات
جارت عليه الدنيا وكثرن همومه
مو جديدة متعود على النكبات
هاذه حظه الردي من يوم يومه
مادك الفرح على بابه ابفد يوم
واللكمه ياكله بقهر وتوكف ابلعومه
ورفع شعار الصوم للدوم
مو بس شهر رمضان ايصومه
فوك الجوع والقهر وقلة الامان
الخدمات كله عنده معدومه
لاغاز لاكهرباء لاماي
بعز الظهر لاحت بالسما نجومه
وظل يحلم بس ابسكن ياويه
ومل من الحجي ووجعاته مكتومه
حتى بالمكابر كعد وين ايروح
والماعنده سكن محد يلومه
بس ليكابل الموته اشيظل بيه
غير نفس مكدره وروح مسمومه
ويحسدونه شكلك هاذ ابو البترول
وهو حافي منتف وعتكت هدومه
مكرود العراقي اشكد شبع طعنات
اشلون قسمه سوده اله مقسومه
منقول
رد مع اقتباس
المشاركة الأصلية كتبت بواسطة أوراق شاعر
