سبحان الخلق هاي الترافة البيك
وحط كل الجمال بعينك الحلوة
وسبحان الصنع هذا الشعر والطول
وأنطاك المحنة وشال كل قسوة
ياريحة مسك ياعنبر المشخاب
ياهيبة الدلة وريحة الكهوة
أكل لمك وأبوك شلون صارت هاي
مافكرو بيه وخلفو بلوه
تدري شكد أعزك والكلب يهواك
وأحبك مثل أدم من يحب حوه
طبع كلبي ترف مايحمل اللجمات
ومرات يتسودن حيل من يهوه
يوسف من طلع يتمشه عالنسوان
صح جرحن أديهن لكن أشوه
بس أنته بطلعتك مالكينه أجفوف
كمنه أنكص أدينه بكل أثر خطوه
أذا عينك بحيره ورمش عينك سيف
من يعطش دليلي شلون يتروه
شيفيد العمر لوما أعيشه وياك
حياتي بلايه حبك والله ماتسوه
ولك تدري الكمر ينشاف بس من فوك
بس أنته كمر من فوك ليجوه
_______________________
الى من كل ما مر اسمه على خاطري اشتعل القلب شوقا و حنينا له
رد مع اقتباس
