ما رضو بيه اعله بالك !!
ما رضو بيه اعله بالك !!
گالو افكارك بعيده ،
ودورو كل المشاكل خلقو سوالف جديده !!
رادو ، احجي
رادو ، ابجي
حسبو بخلاقي زاحف ،
وانه ما زاحف ، قصيده
ثاري مو هينه السوالف ، تگعد بسد اليريدك من تحس گلبك يريده
وحسبت بحجايه تگضي ، وما گضت
سولفت لهلك جريده
الناس عالشباج عگدت وصلها ،
وانه من شدة هلك ، عاگد حديده
شما اگول تهون شدت
شما اجيها الضحكه ردت
توادعيت بصبحي وي صورة وداعك
والظهر يمي وتغدت
حته ذيج الوادم الما الهه بينه ، عالجره شجم (حيل) حدت
گوه طاس عيوني المها
من يمر ذكرك تبدت
لا تمر بيه اعله هونك ، خاف اشمك
يل طحت وجفوفي طاحن ، من تمر جا ، بيش المك
وكله صوجك
كله منك
علمتني اعله الگصايب
جفي ضل يشتاگ حنك
وراح اعلم روحي هجرك ، من تمرني
گبالي ما معروف چنك
علي كاظم الصبيحاوي
رد مع اقتباس
