هنا

[فقار الكرخي]

للصناعي انراجع اسأل لو طبيب
شو غريبه الشغله مو من طورنه
شدعوه صارت كشفتك هالگد الوف
انت دكتور اسألك لو تورنه
ولك كل اولادنه بسوح القتال
عن جبلنه ادافع وعن هورنه
داعش تذبح ولدنه وإنت ليش
بالسعر تذبحنه يادكتورنه
إنت بالمستشفى ماتسمعنه ليش
وبالعياده اتگوم تاخذ شورنه
ها لأن اهناه كشفتك بالبلاش
وبالعياده فلوس مو عن حورنه
إحنه من العوز صدگ ياطبيب
نفور ويچوي جهنم فورنه
ماي ماعدنه ولا گطره نشوف
فلوس ماكو ومحترگ ماطورنه
بلايه راتب تلتحق ولد العراق
شويه حس بهالوضوع وبجورنه
وحتى يلتحقون وتنام بأمان
رحنه بعنه امن الصبح كنتورنه
إنت ابن هذا البلد لا مو غريب
وتعرف الباگو لحمنه وثورنه
بحرب إحنه وهالحرب شده ومصاب
ويفترض نتساعد احنه بدورنه
دورنه نقاتل على الساتر نروح
ودورك اتنزل السعر دكتورنه







احسان القريشي

[الاستاذ سلام]

احسنت وبارك الله فيك اخي قصيده تعني الكثير ولكن لا حياء لمن تنادي

[الاستاذ سلام]

انا في مدرستي فتحت دروس تقويه مجانيه وعندما سألت عن ذلك قلن لهم اكراما لاباء الطلاب المجاهدين

[نرجس]

أحسنت اخي قصيدة رائعة

[تّـفـاَصيلـٓ]

روعه كلش .. و هذا واقع اليوم
مع الاسف…
شكرا فقار دائما رائع

[~ مزاجية لا تكلمني ~]

احسنت النشر كلمات جميلة

[زهور قد تفتحت]

[علي الشمري]

واقع حال يا فقار
مؤلمه ولكن لاحياة لمن تنادي

[¥محبوب$القلوب¥]

لقد أسمعت لو ناديت حيـا
ولكن لا حياة لمـن تنـادي

شكراً لك فقار على الموضوع الرائع