طبعا شوفوا هذا يسمونه شعر تالي الليل من يوصل دخان الجكارة حده من الدماغ وتهيج السوالف العتيجة , ههههههههههههه
اسف ... استمتعوا
ما جرحك ابد , لن عندي كَلب انسان
يالعندك كَلب بس يفتركَـ ...يجرح ...!!
صار الصار بينه , وتعرف اللي كان
ما يحتاج امثله ... ولا يصح مسرح
يالجنت انته يمي وجنت الي عنوان
وانه الجنت متنك , قافية وتصدح
كَتلك هذا خطي الأحمر , وخطآن
اذا تتدنه ليه .... وفركَتك تصلح
وتعمّدت تدنه وتكَلب الميزان
خلص انته الردتهة وبيهة ضل امرح
تبث شكواك عني لكل بشر .... فرحان ؟؟
تعال وشوف حزني عليك , لا تفرح !!
قذر هسة انه عندك .. مجرم و خوان
ليش انه شردت من عندك , وتقدح ؟؟؟
نعم , عاشرت عفة روحي , يالفلتان
أثكَّل بيك ...وانته تريد تتوكح
أترك , لا تذلني بكَلبك التعبان
كَلبي الذاب لجلك , لجلك شكَد لح
لكن تدري ...عندي العقل ما ينهان
لمّن كَال :عوف اليخسرك ...تربح
عفت بيك العواطف والسهر ... والحان
جانت بيك تطرب , هسة حسهن بح
روح ابقة علة بوقك , وانفخ لطرشان
لن بس انه اسمعك , ها... جذب لو صح ؟؟؟
لكن اسئل الله يجنبك البطران
لو كَلك احجيلي , تحير اله شتشرح ؟؟؟
لو كَلك احجيلي
تحير أله
شتشرح ...؟؟؟
بقلمي
الأمير
بواكير 2/6/2015
رد مع اقتباس
المشاركة الأصلية كتبت بواسطة اشجان الروح
