ﺍﺿﺤﻜﻴﻠﻲ ﺍﺿﺤﻜﻴﻠﻲ ... ﺍﻟﻌﻤﺮ ﮔﻄﺮﻩ
ﺍﺿﺤﻜﻴﻠﻲ ... ﺍﻟﻌﺸﮓ ﺳﻔﺮﻩ
ﻳﻤﺪﺭﻱ ﺍﺷﻐﺜﻮ ﺑﻠﻮﻧﺞ !
ﻓﺎﻫﻲ ﺍﻟﻤﺎﻱ ﻏﺮّﮒ ﺭﮔﺒﺔ ﺍﻟﺴﻤﺮﻩ
ﻭﻟﻮ ﻋﻠﻮ ﺍﻟﻨﺨﻞ ﻳﻨﻬﺎﺏ
ﻭﺍﻧﻪ ﻭﺭﻭﺣﻲ ﻭﺣﭽﻲ ﺍﻟﺒﺴﺘﺎﻥ
ﻧﻨﺪﻝ ﻣﺴﺘﺤﻪ ﺍﻟﺘﻤﺮﻩ
ﻭﺍﺭﺩ ﺍﺑﻔﺸﻠﺔ ﺍﻟﺴﻠﻪ
ﺍﻟﻤﺎ ﻏﻨﻪ ﺍﺑﺴﻤﺎﻩ ﺍﻟﻄﻴﺮ
ﻟﻮﻥ ﺍﻟﻄﻴﻦ ﻳﻨﺪﻟﻪ
ﺍﻟﻤﺎ ﺷﺎﻝ ﺍﺑﺼﻔﻨﺘﻪ ﺍﺷﺮﺍﻉ
ﭼﻠﻤﺔ ﺭﻳﺤﻨﻪ ﺍﺗﺬﻟﻪ
ﻭﺍﺧﻀﺮ ( ﻫﻠﺒﺖ ) ﺍﻋﻠﻪ ﺍﻟﺒﺎﺏ
ﭼﻢ ﻳﺎﺭﻳﺖ ﻣﺎﺗﻦ ﻭﺍﻧﻪ ﺍﻏﻨﻴﻠﺞ
ﭼﻢ ﺍﻏﺮﻭﺏ ﻳﺮﺳﻢ ﺟﻴﺘﺞ ﻭﺍﻟﮕﺎﭺ !
ﺣﻞ ﺍﻭﻱ ﺍﻟﺸﻤﺲ ﻭﺍﻳﻐﻴﺐ ﻋﻤﺮﻱ ﺑﺴﺎﻟﻔﺔ ﻟﻴﻠﭻ .
ﻭﺍﻧﺎﻃﺮ ﻟﻠﺼﺒﺢ ﺷﺒﮕﻪ
ﻭﺍﺗﻴﻪ ﺍﺑﻀﺤﻜﺘﭻ ﺿﺤﻜﻪ
ﻭﺍﺫﺏ ﺣﻴﻠﻲ ﺍﻋﻠﻪ ﺷﻔﺖ ﺍﻟﻤﺎﻱ ..
ﻭﺍﮔﻠﺞ ﻳﺎﺑﻌﺪ ﺣﻴﻠﻲ
ﻭﺍﺯﺍﻧﻲ ﺍﻟﻌﻄﺶ ﻭﺍﻧﺨﺎﭺ !!
ﺍﺿﺤﻜﻴﻠﻲ ﺍﺿﺤﻜﻴﻠﻲﺍﺿﺤﻜﻴﻠﻲ
رد مع اقتباس
