بكثر ما چنت اعشگك صرت اكرهك حيل
وحته حروف اسمك بعد مااحبها
والقصيده التحتوي منك حرف حرفين
اتركها القصيده وبعد مااكتبها
مو حاقد عليك وگلبي مابي غضب
بس النفس طابت ليش اتعبها
صدگني اكرهك ما بعد اهواك
وچلمة اني احبك صرت ساحبها
متندم عليها بكثر شعر الراس
لان اني الگلتها واني صاحبها
گلتها وانت ما تستاهل احجي وياك
وروحي الحبتك هاليوم اعاتبها
صدگني اكرهك حته بالاحلام
ماريدك تجي والنومه تسلبها
كرهت چلمة احبك من چنت وياك
وبعد منك لا تظن بيوم اطلبها
مو حلوه بلسانك ما تلوگ عليك
ويوم تگولها صدگني اچذبها
لا تجامل بحچيك بطل اترجاك
روحي كرهتك، اطلابه تطلبها؟
منقوول
رد مع اقتباس
المشاركة الأصلية كتبت بواسطة أوراق شاعر
