الدنيه صوت وضايعه بوحشة ضلام
الدنيه صوت وضايعه بوحشة ضلام
بعين ما تنشاف وبجف تلمس
هيه ساحت معركه وفارسهه عوزوانه ادري العوز ملعون وشرس
الدنيه مثل الذيب تشتم اليخاف
وماترحمه الما ملك عانه وفلس
الدنيه وبس مال تجمع بي تعيش
فرق عز المال عن عزة النفس
هيه حكمه تشوفهه بدرب الكصير
وكون من هايه الحكم ناخذ درس
دموع اهلهه وماترد لمن تطيح
وعمي يهل اليوم جاوين اهل امس
تبقه ذكره وسالفه بحلك لجيال
مثل ذكرة حيدره بصول الفرس
موعجيبه وهيج مجراهه الحياة
الوحشه ما تفرق اذا ما تنترس
الدنيه جف صياد ما خاب اليصيد
وليالي سهامهه وتردس ردس
للفقير معاكسه وتضحك جذب
وحته تنصب فاتحه بليلت عرس
بحصره ما ضليت عن ثوب الجديد
نفسه هوه نكلبه ونغير البس
بليل كون وشرط عينك لاتشوف
ولا تحط بخاطره الثوب ويحس
ولاتخليه الشمس تطلع عليك
وين تلكالك علي يرد الشمس
صديقي الترف
حيدر السراي
رد مع اقتباس
المشاركة الأصلية كتبت بواسطة جنة الروح
