احبهه اشكد احبهة والها اشتاك........... ويوميه ابحظنهه اتنام العيون , سعدي العقابي
احبهه اشكد احبهة والها اشتاك........... ويوميه ابحظنهه اتنام العيون
كصايبهه المحنه وطيبها الناس......... ومحنه اجفوفهه ودروبهه امتون
حدر ازلوفهه لعب او مراجيح .......... ومي غرافهه بس طيب تلكون
زغيره الحي صحيح اتشوفهه الناس ....... بس عندي جبيره اتعادل الكون
رغم اجروحهه ما دنكت راس ............. وما مدت اديهه اويه اليمدون
ولا ذلت اعكال ولا حنت خوف ............ شيلتهه نظيفه وراس مصيون
ثدي ام لاهلهه وللخطاطير ................. وتعزب روحه للي يظيفون
ونشوف حسين بيه ابكبت سعيد .......... تهيد اجروحنه ولو عاتنه اتهون
هاي ام المواكب والزناجيل ............ وجوادر بالكلب لحسين يبنون
هاي الحي محطة طيب للناس............... اطيور للناس لو مرو يحطون
مدينتنه حبيبه ومن نجي ابشوك ............. اتلكانة الشوارع كبل العيون
جنون الحب وطن بيه غافيه الناس ...... ليلى الحي حبيبه واني مجنون
الاستاذ الشاعر
سعدي العقابي
رد مع اقتباس
