ردت انساك
ردت انســـاك لحظه وما افكر بيــــك
حتى اللحظه صاحت وين رحت انته
وكـــلت اقفل شفافي وما اذكرك دوم
لـكيت انفاسي بيـك تسولف بسكتـه
ســديت انه عيوني حتى لا يشوفوك
نمت باحلامي شـفتك هالجفن بستـه
كتبت بكل فـــراغ الورقه راح انساك
وعليها دمايه دمعي وياها هـــم درته
ومن باوعت عالورقه بعد لــــــحظات
لــــــــن راسم عيونك والرمش صغته
ولان اصل الغرام بكل كَلب مــــــوجود
فتحت ضلوع صدري وكَلبي هم بــعته
وكَلب ثــــــاني جبت بس ردت انساك
الـكَلب بيـه انـزرع بس العجب شفتـه
لان بالدم تعيش وتمشي بالشريــــــان
مثل غيبوبه كلبي وعــــــــــــاد ذاكرته
حـرت واحتار امــري وياك يبن الناس
من اكتب نسيته تصير انه عشكتــــــه
وياك بكل وضوح العين كلشي تشوف
وبــــــدونك دنيا ضلمه ودربي تيهتـــه
تختلف من واحد لواحد كثرة الاسماء
وانه بـاسمك اصـيح لكلمن عرفتــــــه
لـذلك راح اخـربط كـل حـروف انساك
وارتب معنى لاجلك بيدي رتبتـــــــــــه
السكن مأخوذه من كل حرف في انساك
مــثل بنته اصـلها حـروف مـن نبتـــه
لاجلك سـكن بـاني بوسط هاي الروح
واليدخل بكَلبي مــو سهل طبتــــــــــه
ومـا دام بـصعوبه الي يـطب الكَلــوب
شتظن سهله عليّ لو انه خرجتــــــــه
بانيلك سكن ما بين الضلـــــــــــــــوع
وطـوابق كـل ضـلع لاجلك انـه فتحتـه
يــالعايش بـــروحي وكَلــبي والانفاس
ويالوجهك بدر مـن تـكتمل طلتـــــــــه
اريـد بحضنك اغـفى ومـا اريد انســاك
واريد اكَضي العمر وياك بس انتــــــــه
اريد اكَضي العمر وياك بس انتــــــــــه
رد مع اقتباس
المشاركة الأصلية كتبت بواسطة noor aluhsiny
