السلام عليكم
طبعا حبيت ان اكتب قصه
عن الشاب العراقي وغيرته وحبه للدفاع عن وطنه .. اضافة لا ننسى اهله وامه خصوصاً وحبيبته او زوجته…
المهم اني اول مره اكتب قصه وانشرها
اتمنى تعجبكم
وطبعا الكلام شعبي اللهجه العراقيه
اترككم ويه القصة ok
من هنا نبدأ….
هوـ حبيبتي عندي وياج موضوع مهم بلنسبه الي… بس اعتقد راح يضوجچ وحاير شلون اكلمج بي.
هي ـ حبي لا تحير مستحيل اضوج او ازعل من شي يهمك وتحب اتسويه معقوله يعني… سولفلي من وين ما تريد اسمعك وراح افهمك
هو ـ شكراً عمري… دائما انتي تقدرين ظروفي بس هالمره غير…
هي ـ حبيبي قلقتني اتكلم لا تلعب بعصابي .. رجاءً
هوـ اني راح اروح
هي ـ تروح وين ??
هوـ اني راح اشارك بلحشد… . غيرتي ما تسمحلي ما ادافع عن شرفي وطني…
هي ـ حياتي لا رجاءً … لا تروح
ترا والله ما اگدر اعيش لحظه من دونك… . لا تروح وتخلينه بتوتر وقلق مستمر .
هو ـ اسف حبيبتي اني اخذت قراري واني رايح باچر… . اريد منج تدعيلي
وتبريني الذمه اخاف يوم من الايام نزلت ادموعج من دون قصد
وخليني دائما ذكره حلووه اذا………
هي ـ بداعتي اسكت .… لا تحجي هيج انته النفس واذا بيوم راد يودعك الهوه اني قبلك اموت .
هو ـ يا روحي تسمحيلي هسه… رايح اخبر اهلي وطبعا موقف صعب كلش من اخبر الوالده يلا اروح احبج راح ابقى لاخر نفس… ديري بالج على نفسج .
هي ـ واني احبك… بالي يمك … ربي يحرسك ويرجعك سالم ويفرحني بسلامتك .. منصور الله وياك…
هو ـ ان شاء الله يلا مع السلامه
هي ـ دمعتهه سبقت رده .. محروس مع السلامه
"""""""""
"""""""
""""""
"""""
""""
"""
""
"
هو ـ السلام عليكم ـ ودنگ باس راسها
امه ـ هلا يمه
هوـ يمه شلونج
امه ـ يمه بشوفتك زينه…
هوـ يمه… .. ارد اكلمج ابموضوع
امه ـ يمه شبيك اتكلم لا تتردد
هو ـ يمه اني باچر رايح
امه ـ وين .. ???
هو ـ رايح ويه الحشد . .. يمه اني شاركت بلحشد… اريد ادافع عن وطني وگاعي وشرفي…
ويمه اني مصمم على هذه الشي واتمنى ما تعارضين واريد رضاج ودعائج وان شاء الله
ارفع راسكم واجاهد في سبيل الله وحب الوطن… .
امه ـ اذا انته ما خذ قرارك وغايتك قويه شتريد اگلك… . روح يمه گلبي وياك ودعائي ما ينقطع … . بس طمني عنك… ولا تشلعلي گلبي…
محروس بغيرة العباس… ورايه علي يمه… منصور
هو ـ انحنه وباس ايدها…
ربي يخليج الي يمه .. شكراً لان ما عارضتيني .. وخليتيني بقلق رضاچ
امه ـ لا يمه غيرتك تنسيني همي… وحتى لو عارضتك مراح تأخذ رايي وتكعد .
هو ـ ربي يخليج الي ياطيبه
تسمحيلي .. اروح انام وان شاء الله الصبح اتؤكل
امه ـ الله وياك ـ اخذ راحتك يا نظر عيني
الساعة 5 صباحاً
حيث صوت الأذان
هنالك ثلاث جالسين
هي ـ اكملت صلاتها…
ربي احفظه واحرسه بجاه حبيبك المصطفى (ص) واهل بيته… عليهم السلام ـ نور طريقه وارجعه سالم
امه ـ اللهي بحق ام البنين عليها السلام
ارجع لي ولدي منصور وسالم ورايه الامن تعلئ بعده
هو ـ اللهم اتؤكل عليك
اجعل يدي وجسدي فداء للجهاد في سبيلك
ذهب… . وابقت القلوب معلقه
في صدى الذين يعرفوه ويحبوه
""""""
الى هنا اقف… اذا عجبتكم القصة
والحوار راح اكمل البارات الثاني
وهو الراح يكون الجز الاهم بلقصة
انتظر ردودكم وتفاعلكم
شاركوني أرائكم
رد مع اقتباس
المشاركة الأصلية كتبت بواسطة دلوعة ابوها
