من صبر لصبر ضاعت سنيني وياك
وآني من الصبر كل عمري ضيعته
كل هذا علمودك وانت ما حسيت
رحت لشخص ثاني وكلشي سلمته
مثل دمعة يتيم الگلب چان وياك
وانت بكل صلافة تگوللي مشكلته
ما بية احتمل منك بعد صدمات
گلت بسكتة اعوفك صرخت السكتة
چنت لو بس تمر أحسبلك الف حساب
وأحس حسابي ضاع بغربة تيهته
وأحس لساني يخدر من أشوفك جاي
وأحس بصدري ضاگ وعبرة خانگته
..................................................
شحچيلك بعد ما ظل حچي الينگال
أظن خير الكلام ما قل
ﻷن شما أسولف انت بية تلوم
وعلى أبسط حچاية تدور الزلة
مو هيج العشگ احسبها مرة وشوف
وخلي گلبك يدلك انت لا تدله
راح تشوف زين وتعرف الموضوع
اليعشگ صدگ ما يجرح بخله
ممنون على جرحك هذا حظي وياك
وشكرآ عالحزن والآه والعلة
ولو يدري الجرح ما خفت منه بيوم
عمر النار ابد ما خوفت دلة
منقول
رد مع اقتباس
