شعر شعبي 2015 عن الأمام علي الأكبر , شعر فرح بولادة الأئمة الأطهار
شبيه المصطفى يا شيعه هل نوره
شبيه المصطفى يا شيعه هل نوره
عالكرار أسمه عالمختار رسمه عالكرار أسمه عالمختار رسمه
************************
شع نور الرسول بطلعة الأكبر جامع كل صفاته من أصل جوهر
كلمن شافه صلى عالنبي وكبّر أضوائه تشع للناس من يظهر
علم ومعرفه ما تخلص بحوره
علم ومعرفه ما تخلص بحوره
من الباري نعمه عالمختار رسمه من الباري نعمه عالمختار رسمه
**********************
من تشتاگ اهل بيت الرساله تنظر جدهم بعلمه وكماله
يشوفونه بامر رب الجلاله بهذا الولد بيه كامل خصاله
عنده افضل صفه يكرم اليزوره
عنده افضل صفه يكرم اليزوره
من منبع العصمه عالمختار رسمه من منبع العصمه عالمختار رسمه
**********************
شاركنه الفرح طير السمه يغرّد بسمه احله لحن من بهجته ينشد
جن عنده علم نتنطّر الموعد عيد الله علينه بساعة المولد
ربنه شرّفه بيه حفظ دستوره
ربنه شرّفه بيه حفظ دستوره
من الجنه نسمه عالمختار رسمه من الجنه نسمه عالمختار رسمه
************************
شما أبحث وادقق ما أصل حده حب امن الأله بهالخلگ عنده
سبحان الكريم اللي جعل وده ممزوج بشرايين ودمه عبده
من زاره اكتفه عن حجه مبروره
من زاره اكتفه عن حجه مبروره
بحر الكرم عمّه عالمختار رسمه بحر الكرم عمّه عالمختار رسمه
************************
خل نطرح تسأل ليش ما نبعد عن شبل الوديعه وبالوجوه انصد
يرجع هالجواب أعلم شما تعبد عن رحمة الباري وجنته تبعد
كلنه نعرفه من صفوه منصوره
كلنه نعرفه من صفوه منصوره
حلم الوصي حلمه عالمختار رسمه حلم الوصي حلمه عالمختار رسمه
*************************
قاسم حسين المندلاوي
رد مع اقتباس
