اكباد (معلاك ) محموس مع تمن بالماجي / مشاركتي بمسابقة سوبر شيف
مرحبااا
يمكن الحك او ماالحك اشارك ,, اتاخرت بسبب ضيق الوقت
فدااطبخ وع السريع تذكرت المده راح تخلص واني نايمه
كنت اطبخ ( معلاك ) كبد حمس احنا نفضله مع تمن متبل وخاصة الماجي
طبعا التمن بسمتي ينقع شويه ويضاف للدهن الحار ( اني اطبك التمن ماابزله لان البزل ياخذ وقت والوقت اشبه بالمعدوم)
ويضاف اله ملح وماجي وبهارات وكركم وحاولي تكون البهارات بدون لون غامق حتى لاتخرب لون التمن
وخلي على نار هاااادئه
نجي للكبد المحموس
اقطعه لقطع صغيره ( ولازم يكون فريش ) اطيب وأأمن ... واضيف اله شويه مي حتى ينسلك زززين
وراها اقطع بصل خلي تكون الكميه مناسبه للكبد واضيف البصل اله قبل لايخلص المي مال المعلاك حتى يذبل شويه ومايبقى بقوته
وراها اضيفله ملح وكركم وبهارات وفلفل اسود ونومي بصره (قليل )
البخار يتصاعد
وهاي بعد ماضفتله النومي بصره
وخلي على نار هادئه كذلك علمود ياخذ طعم الحامض
الحصيله النهائيه لهاي الهوسه هي ::::
اخرى
تحياتي الك وين انت موجود ( لصاحبة المسابقه )
رد مع اقتباس
