هنا

[فقار الكرخي]

وينه اوين العشگ يبن الدلال
الدنيه ملتخه ولك والكائنات
إحنه كل ساعة يطيح النه شهيد
وانت جاي ادور ارقام البنات
هالنساء الگاعد بعينك تشوف
گلوبهن من الحزن متصدعات
هي ياهو البيهن المرتاحه گول
نص يتامه اونص ولك مترملات
بالنساء شلون تتحارش تريد
اصحه مو انت ولك عندك خوات
بعمرك اعله الساتر يصول ويجول
وانت جاي شفايفك متحمرات
ذاك زلمه اويعشگ حسين الشهيد
وانت ما تعشگ ولك غير الطغات
هو لابس عسكري وبيده السلاح
وانت لابس حصر من كل الجهات
هو بچفوفه العلگ لابس نشوف
وانت بيدك لابس سوار الفتاة
هو زنجيل اعله صدره امن الرصاص
وانت زنجيل الغوه ابصدرك يبات
هو محتار شيحرر يامكان
وانت محتار اشتباوع ياقناة
هو عالساتر وگف يضرب رصاص
وحضرتك موعد ضربته اويه البنات
فوگ من حواجبه البيرغ نشوف
وانت شفنه حواجبك متحفحفات
هو يسهر خاطر اتنام ابأمان
وانت تسهر تحچي ويه مكنكات
وحگ زينب والسبي وحرگ الخيام
وحگ عباس الوگع يم الفرات
العل سواتر وسفه ينصاب ويموت
والي مثلك يبقه عايش بالحياة



احسان القريشي

[كرار الغراوي]

عمي انت الخرافي

[تّـفـاَصيلـٓ]

ﺍﻟﻌﻞ ﺳﻮﺍﺗﺮ ﻭﺳﻔﻪ ﻳﻨﺼﺎﺏ ﻭﻳﻤﻮﺕ
ﻭﺍﻟﻲ ﻣﺜﻠﻚ ﻳﺒﻘﻪ ﻋﺎﻳﺶ ﺑﺎﻟﺤﻴﺎﺓ

عن جد احسنت وعاشت ايدك دائما مبدع

[زمرد الشمري]

هو بچفوفه العلگ لابس نشوف
وانت بيدك لابس سوار الفتاة

والله صحيح فعلا شعر روعة روعة

[ٱجَمل ٱنٌسًٱنٌة]

عمرك اعله الساتر يصول ويجول
وانت جاي شفايفك متحمرات
ذاك زلمه اويعشگ حسين الشهيد
وانت ما تعشگ ولك غير الطغات

روووووووووووووعات عاشت الايادي

[~ مزاجية لا تكلمني ~]

عاااشت اﻻيادي فعﻻ كﻻم رر رررررروعة

[ايات الملكية]

خيو انتة كلماتك روعة وعاشت اياديك
خيو كلامك ورد

[علي الشمري]

ياخويه ع الجرح وعيونك
ممنون منك ياغالي على روعة الاختيار