هنا

[فقار الكرخي]

عدموك وعشت ضنو ضواك يموت
الظلمه شلون تگدر تعدم الشمعه
رحتلهم وكت عازو بليل اجتاف
واديهم للشوارع جانت امشرعه
غلطو وعتذرنه ونهبو وحاشاك
ابنكم باگ گالو لازم انرجعه
ونعرف الحرامي وبيته صاير وين
اشرنه وبعضهم ما رضه انطلعه
باعو في غصنهم واحنه اجينه فياي
وغطينه الگبل يم داعش امفرعه
عدكم عين صلفه وعدنه خوش عيون
اليمر اباله بيته انداينه الدمعه
من شدو رگبتك ما وگفلك ذاك
موقف ويه جاهل جايع ترضعه
وشماله الحبل من حشموه بموت
غير المر يعدمه اينشده عن وضعه
من شدت عليهم حشموك بغيض
ونَعرّف براس اختها تزامط الگرعه
طبيت بسلفهم يا حسين تصيح
وبانت بالنجم من صوتك الصدعه
فنه الگابلك غير ابن ابوه يصير
اليجيلك عد جهنم لازم تودعه
حالك حالهم الفدو دم لحسين
وهنيالك شهيد اتنولها السمعه
وخلهم ويه داعش ذوله ولد العاص
وتراويهم اخوتك لوعة الوجعه




علي كاظم

[علي الشمري]

مؤلمه فقار
وعاشت الايادي
اختيار جميل

[فقار الكرخي]

منور

[انثى مخمليةة]

عآشـت آلآيآدي