بالحزن ياناس // تجري دمعتي
منهو اليواسي // ونّي ابغربتي
عافوني مالومه
خلوني مهظومه
~~~~~~~~~~~~~~~~~~~~~~~
الهظم من زغري حملته والمصايب عليّ دارن
حاوطنّي أو مارعنــــّي وبالحــزن أيامي دامن
بس ليالي السود منهن أعرفت وبگلبي نامن
بأول مصيبه الهم لفـه
والثانيه النور انطفـــه
والثالثه گلبي صفــــه
سهامهن للروح صابن
والله يشيعه // من كثر الألم
لابالي مرتاح // والحيل انهدم
من هلي محرومه
خلوني مهظومه
--------------------------------
راح منّي النور ومضه عگب ماتمها الرسالـــه
والزمن جــارعله أمِّي والضلع عنـــدي الدلاله
دارت مصايبه أ بيتـه خانوا أو كطعوا وصاله
گوم الضلعها كسرته
للنبــي عادوا بضعته
ضيّعوا حقها الورثته
السقيفه خط جهاله
بسمار الاحقاد // بيا ضلع انبتت
ياݘف الانذال // ياوجه أصفگت
أبليه مشؤومه
خلوني مهظومه
**********************
طود بالمحراب طايح بعــــده ماتمم صيامه
جفَّت الميــــزان مالت يوم ݘـن يوم القيامه
والمساكين اعله بابه وتدگ عاباب اليتامه
والدين يبݘي صحبته
من خضِّبوها الهامته
الجنَّه هيَّه الرادتــــه
وعيلته تودعه بسلامه
انهدمت اركان // عالدنيه العفه
والحزن للدوم // جمره منطفه
من غابت علومه
خلوني مهظمه
-----------------------------
ليلة المسموم ليلــــــــــــــه عين مايطبگ جفنها
التمت علينـه الدواهـــــــي ݘبدته ألســـم طعنها
وذر وسط الطشت صارت رجعت الدنيّه أبمحنها
يم راسه لحسين ألتوه
وانطعن ݘبدي ونجوه
ماأله طيبـــــه أولادوه
غاب هل الليله حَسنها
جعده أبسموݘ // گلبي ألّي اندعن
من عيني أخذتي // مسموم الحســــن
لوميته بسمومه
خلوني مهظومه
----------------------------------
يوم طف الغاضريـــــــه لاشمس لاگمـــــــــر يظهر
التدِّعي أمة نبينـــــــــــها جيِّشت أعلينه عسكـــــــــر
گطعوا ݘفوف ابو فاضل من ابو اليمه اگطعوا منحر
والاكبـــــر أمطبَّر وگع
عرِّيسنه أموذر رجــــع
حرمله بعبد الله اشصنع
ݘم گلب هالنحر فسّــــــــر
باللّوعــه والآه // تانينه الفجر
وبدمع الاحزان // اگظي للعمر
فوگ الثره نومه
خلوني مهظومه
------------------------------------
وصلنه لارض الشام تالي ناس شفناها أبفرحهــــا
گالوا أعلينــــــــه خوارج عيون صلفه وشوكحها
وللفواطم عين تبݘـــــــي وبالضلع تطوي جرحها
أوراس ابو اليمه بالطشت
ياريت أعمه أولاشفـــــت
ولامجلس الذلــــه أدخلت
روحي هل الساعه ذبحها
أيظل عالي للدوم
حسين أبثورته
ماتمحي ظلآّم // دمَّه أونهضته
ماينّسه يومه
خلوني مهظومه
رد مع اقتباس
المشاركة الأصلية كتبت بواسطة جوهرة واسط
