مساجله ابوذيات-60-مع الشاعر حسين الساعدي وكوكبه من المبدعين
مساجلة مباشره ابوذيات مع حسين الساعدي وكوكبه من المبدعين
:::
ياناهي وحرام اتكول مَنها
عَل مَنت عليه وحلو مَنها
كون الحارم الدلال منها
يتلكه ابكثر هاي الاذيه!
االساعدي
_______
رجاءا خلونا نكتب بس جديد ومباشر والدعوه للشعراء فقط
وبالنسبه للمبتدئيين ياريت يستفادون من كتابات الشعراء
----------------------------
:::
ريم البصراويه
ياسور المحبه اشبيك هديت
وانه ابدمعتي ابفركاك هديت
ما ادري وشجان بيوم هديت
اديك الجانن ايضون بديه
ريم البصراويه
----------------------------
الشاعر حسين الساعدي
راميت وفلا يوصل مرامي
وانه الماصبت مره مرامي
مره احتاج للدمعه مرامي
ومره اثنينهن شحن عليه!
االساعدي
----------------------------
قاسم الكعبي
ابزغرنه اهواي غلطينه وطشنه
فرقنه الزمن وسفه وطشنه
ابجف هجران نثرانه وطشنه
وكل واحد صفه منه ابنوية
----------------------------
حسين الساعدي
لفاني الزمان ايمين وشمال
مأدري استرس بالكلب وشمال
وشمال الاخو الما سئل وشمال
محبوبي الكطع جيته عليه!
ااالساعدي
_____________________
محمد البصراوي
دمعي عليك فايض وين أكته
وتطيح دموم منه وي نكته
أناشد دوم واسأل وينك أنته
تعال الفاتحه أقراهه عليه
----------------------------
الشاعر حسين الساعدي
ياكلبي اليحب ليله يمركم
وبنصه وفلا يخمد يمركم
يتنفذ ابكل لحظه يمركم
وبسرعه وبعد وياه تحيه!
االساعدي
----------------------------
ريم البصراويه
والدنيا ابغيابك قست مره
ماتدري ابطعهما اشلون مره
ونتنطر تمر للدار مره
وتخلي الفرح يرجع عليه
ريم البصراويه
----------------------------
حسين الساعدي
ماتدري الهذاك الوكت حنيت
والبيت الشعر بالدمع حنيت
وانه ابضهري للمأسات حنيت
وبهذا الزمن شفت الاذيه!
االساعدي
_______________
عقيل النجار
شامخ مايذلني جفاك ويهين
جبل وشما يمرني يزول ويهين
اذا عند اليخون الويه ويهين
بوجه واحد غدرت وخنت بيه
----------------------------
حسين الساعدي
رافع خشمك اتكلي تعالى
يا عايل عَلي واشكد تعالى
ربك وحده و الجلَ تعالى
وانته اشدعوه تتكبر عليه!
االساعدي
----------------------------
قاسم الكعبي
من حر العشك بية وهج رك
وبعدك حيل اذاني وهجرك
حبيبي اشلون اعوفنك وهجرك
اختلط بالدم هواك ايدور بية
----------------------------
حسين الساعدي
ذوله ابيوم عازه ماتراهم
وطبعك وي طبعهم ما تراهَم!
إذا تنصف اخوتك ماترى هَم
وميعوفنك اليوم المنيه
ااالساعدي
______________\
ريم البصراويه
شلك باالدموع التصب شلك!
متعذب وهذا الحزن شلك
وال لك الالك متلوك شلك؟
واسمعهم يبعدونك عليه
ريم البصراويه
----------------------------
حسين الساعدي
والشامت وكف بالباب شله!
ومحضر الطبله وجاب شله
باأول دَكته الدلال شَله
والهوسه الصدك لاكت عليه!
االساعدي
----------------------------
قاسم الكعبي
موبس ضيم هجرانك دردلي
لا تبعد بعد روحي دردلي
اريد اكتب يمحبوبي دردلي
احروف الهجاء ضاعت علية
----------------------------
الشاعر حسين الساعدي
لوما بيك للدلال رده
يفلان الدمع للعين رده
يابابك ترده اشلون رده
واحنه ابعتبتك هاي المسيه!
االساعدي
----------------------------
قاسم الكعبي
شيصبره العشك ياناس وراد
ابدمعي سكيت الصبر وراد
نشد ت الراح عالمحبوب وراد
ولا واحد يجيب اخبار الية
----------------------------
الشاعر حسين الساعدي
كون الصار بيك ايصير بعداك
مايتهنه ساعه العلي بعداك
أسئلنك تحبني اليوم بعداك؟
يل ماظن بعد جيتك عليه
االساعدي
__________________
مصطفى الطويرجاوي
اخبرك يالحرمت الروح منها
لون منت جذب وامزاح منها
ابمكانك لوصرت والله منها
بعشكي ولا احطن طائفيه
----------------------------
حسين الساعدي
كلبي وعن حبيبه ماتخله
والعثره ابخيالي ما تِخله
ما يلام عاشك مات خله!
ويروح ابهوه الونه الخفيه
االساعدي
-_______________
محمد البصراوي
بحسنه اتعلكت ويصيح هدهد
وينك يل كلت بالضيــج هدهد
يكولون المحبه بعظــــم هدهد
طلع حته العظم كالب عليــــه
----------------------------
حسين الساعدي
وأفراحِ الجفن بجفاك ماين
وانته وهاكثر وياي ماين!
متعجب عله الوياك ماين!
وانته الطبعك اجنون وأذيه
االساعدي
_____________
الشاعر ضياء المشرفاوي
لرمحك وجدت كلبي حلمجان
حنين وريز بصدري حلمجان
خذو واكبالي ياريته جلمجان
وعلي يوم القيامه انداربيه
----------------------------
حسين الساعدي
لا تسكت العايل لا تعده
والما يهم بامرك لا تعده
والحاسب احسابك لا تعده
تنطر جَيته و تاخذ تحيه
ااالساعدي
_______________
الشاعر ضياء المشرفاوي
اماتدر بجفاك شلون شبران
كلبي وبعد بيه جروح شبران
كل ساعه واكص بجفاك شبران
من جسمي وبقيت بطرك اديه
----------------------------
حسين الساعدي
ياصوتِ العليك اشكد بحالك
ياهو المثلي باسراره بحالك
انه الدمرت حالي بحالك!
وخليتك بعد تضحك عليه!
ااالساعدي
___________________
الشاعر ضياء المشرفاوي
بوداعك مادريت شلون جناي
صرت وحشاي هيج انلهم جناي
تدري من رحت بجفاك جناي
بجهنم بس سعير الناربيه
----------------------------
حسين الساعدي
وانته الما دريت اصار بالحال
بيك اتمحنيت ودخت بالحال
أريدنك تجيني ابساع بالحال
وتمنه وتمر كبل المنيه
االساعدي
_______________
ياسر العجيلي
بنيت ابهلقهر والضيم داري
ويكلولي ويه الناس داري
ياهوه البحال الروح داري
واعز احبابي مايدرون بيه
----------------------------
حسين الساعدي
ماتدري اشتصب عيني تراه دم
وجرح ابجرح وبكلبي ترادم
وانه السبب مأساتي تره ادم
إويا تفاحته العمت عليه!
االساعدي
______________________
محمد البصراوي
حزن گلبي ومراره . من تمر بي
ويحن گلبي ويطيعك . من تأمر بي
بعد شيصير گلبي . منته مر بي
عافتني البشر مر انته بيه
----------------------------
حسين الساعدي
ياكلبي اليصدر ونه منه
والنه اوياك طيبه ونه منه
ماصدكنه شامت وِالنمَنه
كناله النقل منك اذيه!
االساعدي
_____________________
Mustafa Lawyer
احس احشاي والعينين بركان
ومچتف گعدتي چتوف بركان
كل ما كان حچيي وياك بر كان
عليش بواهسك كسرت ادية
----------------------------
حسين الساعدي
بالك تكشف الهلناس سراك
ماواحد ابيوم الضيج سراك
يمكن بالهموم انشمر سراك!
وما عافَنك ابصبح ومسيه
ااالساعدي
_________________
قاسم الكعبي
اهموم الشوك سكنني بياون
دكاني الهجر بعدك بياون
حبيبي اتريد ونلك بياون
ون افراك لو ترجع الية
----------------------------
الشاعر حسين الساعدي
واحنه البلقهر والهم وعينه
يارب ارحم ابنادم وعينه
وشحال الخذو ولفه وعينه
شافت زفته وجنها المنيه!
االساعدي
________________
منتظر العبودي.
ليالي الضيم عكبك تابعني
الفرح ماشفته بعدك تاب عني
اكل للحزن بسك توب عني
سمعني وجمل اللوعات بيه
----------------------------
حسين الساعدي
تاليتي وره الماشين صفيت!
وبماي العكر دمعات صفيت
ماتدري اشبقالي اليوم صفيت
بس الدمعه والونه الخفيه
االساعدي
_______________________
Mustafa Lawyer
افزعو وياي هد گلبي ترة صباه
وريح فراگة موش اهون ترة صباه
شايل ظيم لا تدنون ترة صباه
واذا اصبه الشماتة تنوح الية
----------------------------
الشاعر حسين الساعدي
ياكلبي اليعت بيه وعت به
وجاب البابكم ونه وعتبه
ياهالدار مامرله وعَتبه
لوما عَتت اكليبي القويه!
االساعدي
_________________________
الشاعر سيد علي العذاري
هله بيك وهله بجيتك وي اهلاك
احبك من وكت يهلي ويهلاك
العليه ابعدك ريته ابسل ويهلك
بمرض ساري ويظل وسط الثنيه
----------------------------
حسين الساعدي وهذا لعيونكم واليفسره اله جائزه
يالافي اليوالفنه ولفنه
وبلف اليلف لفه ولفنه
ما لفانه وبلفت ولفنه
والفه ابالف لفهن سويه!
االساعدي
______________________
قاسم الكعبي
من عده رجف تموز برداي
كمت اسحك حبيب الروح برداي
البايج ما يفيده اليوم برداي
اشما برده ايتكسر بين ادية
----------------------------
الشاعر حسين الساعدي
متعود عله احبابه وراهم
ياكلبي المشه وجدم وراهم
يدري ابفركة الراحوا وراه هم
والهم رافك الونه الخفيه
االساعدي
___________________
سلام الربيعاوي
كرهت اليضد اهلي منسبلهم
وصرت دخان يطلع منسبلهم
سمعت اليوم كالو منسبلهم
مظنه الروح تقبل بعد بيه
----------------------------
الشاعر حسين الساعدي
ياربي الزمان الراح ردنه
مانتفارك انه اوياه ردنه
طاحت دمعته وبللت ردنه
وبيوم الوداع اشسوه بيه!
االساعدي
________________
سلام الربيعاوي
اكسر اسنين عمري وصفن الهه
روحي افراح لمت وصفن الهه
الحزن والضيم تدري وصفن الهه
دواهه الاه والعله الخفيه
_-_____________
الشاعر حسين الساعدي
-
ياوسفه القهر والهَم صفلهم
والخابط ولا مره صفه الهم
تدري ابروحتك عني صفه الهم
يكابلني ابصباح وكل مسيه
االساعدي
حسين الركابي
راقي الشاعر حسين الساعدي
أخابر بيـك اكـلك دوم مرمر
ومن بعدك يصير الزاد مرمر
وسويلك قصر بالكلب مرمر
واشوفنك كمر وبكل مسيه
_______________
حسين الساعدي
والنبظه ابدليلي خله بيها
وهالزفه التعدت خله بيها
يادمعك ابعيني خله بيها
محتاجه الدمع هاي المسيه
االساعدي
_________
جليل الغريب
تاخذني عله الايام صفنه
والعازه ابدرسنه وذاك صفنه
ياربي وعله الميعاد صفنه!!
وهناك ابخت حامي الحميه
االغريب
----------------------------
الشاعر حسين الساعدي
ياضيم العله كلبي تراكم
غالين ابوسط روحي تراكم
كون اعيوني هالليله تراكم
وارتاح واغمض هالمسيه
االساعدي
__________________
جليل الغريب
وبدمعه السؤالك هاذ رديت
يابابك ابوجهي اشلون رديت
متبعد عليك وليش رديت!
وادري ابطبعك القاسي عليه
االغريب
---------------------
الشاعر حسين الساعدي
رافعلك الايد وشفت بطيت
بالفزعه وعليه الناس بطيت
وانته ابخنجرك بالجبد بطيت
وتعارض شكو فزاع اليه!
ااالساعدي
_____________________
جليل الغريب
ياكلبي اشكثر وياك سله
لكن طبعك البذات سله
ماردنه العنب ونريد سله
اجيت وفرهدتهن من اديه!
االغريب
_____________________
حسين الساعدي
ياروح ابعذاب الروح شرهه
ماكفتني يوم ويقل شرهه
هاك الدمعه عالخدين شرهه
هلبت تنشف العمت عليه!
االساعدي
----------------------------
الشاعر سيد علي العذاري
تحياتي لكم جميعا وللا خ حسين الساعدي ولكم عامه وله خاصه هذا البيت الان مني :_
الوكت يايوم كلي يتم النه
بفرح وينول كلمن يتمنه
شكثر يحسين وادم يتم النه
وارامل وشكثر شافت أ ذيه
--------------------------
حسين الساعدي
أحبنهم وروحي ماتملهم
وياوسفه وَكتهم ماتم الهم
وبدلالي وانصب ماتم الهم
وأقرء الفاتحه ابصبح ومسيه
االساعدي
::::::::::::
كانت مساجله سريعه ومباشره شكرا لمن شاركنا
الى اللقاء في مساجلاتنا القادمه
مع اجمل التحايا
منقوول
رد مع اقتباس
المشاركة الأصلية كتبت بواسطة المهاجر الزيدي
