هنا

[¥محبوب$القلوب¥]

....................
المستهل
............
اعلن اليوم ندائي .... اعلن اليوم
عاشگ آنه كربله ... الها عشگي امواصله
اعلن اليوم
...............
عاشگ آنه الكربلاء وحبها ثابت بالگلب
هيه كعبة عشگ هيه وللرشد هيه الدرب
من اطبن ليها همي ايزول ويزول الكرب
تخظر الدمعه ثواب الدمعه بيها من تصب
حجج سبعين نحصل --- حجج سبعين
ورضا الزهره انحصله ... الها عشگي مواصله
...................
نعم كعبه وبيها صلّه كل نبي ومرسل اجه
المنتظر كل وكت بيها سهل الله مخرجه
وألله بحسين الدعاء الدعه بيها ايفرجه
تحت گبته چم عليل اندعه من علته نجه
تشفي الامراض تربته ..... تشفي الامراض
للصلاة محلله --- الها عشگي امواصله
.......................
كربلاء ألله هاذي وارض حيل امقدسه
مثل حورية جنان وثوب قدسي لابسه
كل ملك بيها يصلي شمايصبح لو مسه
واصبحت للعالم اجمع لليناظل مدرسه
كل مناظل عرفها ---- كل مناظل
كربلاء أمأصله – الها عشگي مواصله
..................
بيها اشرف جسد طاهر للنبي روح ونفس
هذا ابن الذي ردت اله مرتين الشمس
جعل بيها الباري رحمه وخير منها نلتمس
وكلمن ايزوره الامان وبالطمأنينه يحس
هالملايين التزوره .... هالملايين
ثياب عزّها امفصله -- الها عشگي امواصله
.....................
نعم نتعنه نزور الكربله لا مانهاب
نموت الف موته لجلها نجي نتحده الصعاب
احنه طوفان الولاء شما عوت كل الذئآب
باچر الزهراء تروي الشيعه من عذب الشراب
اهناكه النه الزجيه ---- اهناكه النه
للمحب تشفع اله --- الها عشگي مواصله
.................
نعاهد الزهراء فدوه الها منذور العمر
باچر اتجازينه هيه النه تحظر بالگبر
وحيدر اليسقينه حيدر ولله لو صار الحشر
وبيده ياخذ للموالي وعالسراط اعليه يمر
حيدر ايكون شفيعي ..... حيدر ايكون
ماتظل كل معظله --- وياها عشگي مواصله





...... للشاعر السيد عدنان الحمامي ---

[احمد العثمانيے]

الله الله

احسنت

[¥محبوب$القلوب¥]

الله الله

احسنت

أحسن الله لك أخي أحمد