بنُص صحاري الحزن
وغبار الزمان ومشكلاته
واحة للافراح شهر
الخير شعبان بصفاته
ومن اجتمعن هالصفات تفاخرن
كل وحدة منهن فَخَر طاووس بحَلاته
صفة ايمان الشباب والنجابة والبطولة
وفرع طيب من اصل طاهر نباته
كَالن بشعبان ويّه القاسم ابن الحسن
من انولد صرنه احنه سِماته
وتبخترن صدق اليقين والشجاعة الهاشمية
ويّه بر الوالدين وعالعقيدة الاستماتة
كَالن بهالشهر شَعينه بضوانه
وَي علي الاكبر من بداية حياته
وكَامن الغيرة وحميّة والرجولة
والاخوة الصادقة والينصر الدين بمماته
صاحن احنه برابع بشعبان صرنه
بحليبه لعباس تتغذانه ذاته
وهبّن اخلاص الدعاء والتخشع والسجود
وجميل الصبر عله جور الزمان ونائباته
كَالن احنه ورود وتفَتّحنه والزارعنه
زين العابدين وطِيبنه من ثفناته
وكالبدر نص الشهر طلعن..نُصرة المظلوم
والعلوم الكاملة واقامة الحق من سُباته
والهداية للبشر كل البشر
والعدل والخير اللي يعم كل فئاته
وهتفن احنه جنوده للمهدي
انولدنه بمولده ونحيا بحياته
وبسِمَه شعبان الشموس الساطعة
اشرقت حفظ الدين واقامة صلاته
وصرخة الحق بوجه كل ظالم
واخلاص العبادة بتضحياته وبثباته
ونسب اشرف نسب من جد
وابو وام واُخوته وكل خَواته
كَالن ويَه حسين وبمهده كُبرنه
وبضريحه نظل.. نواسي بمُصيباته
.
.
ضياء الطالقاني
رد مع اقتباس
