ياصاحبي ادن البن والهيل والمحماس
هواجيس راسي وسط راسي تحومي
وقرب لي الاقلام والحبر والقرطاس
ابكتب كلام ثبته في لزومي
كربت الحزام وكل مبنا يجيله ساس
وابرسل تماثيلن توضح علومي
ترا الهم ياصاحبي تدبيرن ورى وسواس
يجي بيت عامر ثم حول... هدومي
وترا الضيق سهمن راكبن في سدة الاقواس
يشيل السم بذبابه ومن صابه كتومي
شياطين الانس اليوم تقرع لنا الاجراس
ورآع الخير ليته بس يقض الزومي
تواما براع الطيب لين اعلن الافلاس
ولافيه سوقن جايزن له يسومي
ماعاش بزمنا غير متبلد الاحساس
الي وجوده خير منه العدومي
ولاكن على ماقالو ان الناس لناس
ومافيه راسن مالفته الهشومي
ورجلن تخفا بالردا بالقدم ينداس
ومن بان بالبيضا جزاه معلومي
وترا الراس ياصاحبي لاسلهم ابه اعماس
يفكر ويجعل كل شي.... مختومي
رد مع اقتباس
