گظبة ورق
منذُ ان كُنتُ جالساً في رحم التي قدسها الرب كُنتُ مؤجراً وليسَ مالكاً لذلك المكان المطهر..!!
وذلك لانني عندما خرجتُ الى الدنيا دُفِعت فاتورة إيجاري الى من أَخرجني...
مدري كشفية طبيب
مدري گصت باص مستشفى حكومي
المهم ماكو بلاش..!!
هذا هو قانون الحياة..
ليسَ مبنياً على الشهيق والزفير
وأنما تراصفت اضلاعهُ عبر بوابة :-
هذا بيش وذاك بيش
ومدري ليش
ماكو بالدنيا رحم... وهيه وادم كلها طلعت من رحم!!!! وهيه وادم كفرت بكل طاري ابيض
وقدست طاري الفحم..!!
هاي وادم
عاشت بواهس سكر!!
تمشي ما تدري لوين
عدهم الدنيا گصيبة
وعدهم الخصله ( فكر)
تعيش لو تحت المخده نومت گضبة ورق!!!
هاك اخذ گضبة ورق واكتل اخوك
هاك اخذ گضبة ورق واكتل فرح
هاك اخذ گضبة ورق واجرح محمد!!!
آآآه منك يا ورق انت السبب
آه منك من صرت نگلة حطب!!
شما جره بسبيج يزينب كله من هذا الورق!!!!
وعفيه دين .... يا هو يطلع ريش بجناحه يجره..!! واحنا تيهنه فلا ندري احنه وين.؟
مره نجرح بالرسول
ومره نبچي اعله الحسين..!!!
گمنه نذبح شكو فراشه غريبه
طابه بنص السلف..!
وگمنه نذبح شكو ضحكه
ونفتح بحقها ملف
ذوله احنا نقدس الكلش صلف.!!
ذوله احنا خلي نصحه
وكافي نكتلهه البراءه
بحجة تمس الشرف..!!!!!
منقوووووول
رد مع اقتباس
المشاركة الأصلية كتبت بواسطة حروف ضائعه
