هنا

[فقار الكرخي]

ياخيال اليوسعك واكتب عليك
وهوه مو ياهو اليجي يوصف الضوه
الهوه يموت ويشمك من يموت
وترد روحه بطبتك رية الهوه
مو جفن بالجمعه شديته وحجيت
هذا كلبك عالصدر شفته انطوه
انته جنت ابيض لحد...فقت البياض
جنت اشوفك شكلك وكلبك سوه
روحي جاعت
وانترس كل جسمي شوك
وماكو غيرك بيه يتم اشباعهه
ياصدر
شحجيلك
الناس الوراك
تغيرت هسه وتحير اطباعهه
الحيايه بلا جنح كامت تطير
والسمه احتلتهه عافت كاعهه
والشواذي القلدت دور الزئير
الغابه تاهت من جفتهه سباعهه
افترت الدنيه وزلك حته الشريف
وخفة اجدامه اعله فر مصراعهه
النفوس الوكحه لعبت بينه دور
يالجنت كل جمعه تلوي ذراعهه
هسه هيه السيطرت والهه المجال
والعمايم نصهه من اتباعهه
عافو الله وعشكو اجساد النساء
وكلهه تسجد من تشوف كراعهه
الغيره ماتت نشفت وجوه الرجال
العده كطره بكصته جاع وباعهه
وشرد اكلك عنهم شسوو وراك
الجانو الكل جمعه همه اولادهه
الكسر ضلع الزهره حاقد عالرسول
وهسه ضمهه المقتدانه وعادهه
طلكتهه التعشك اشباه الرجال
امده الدنيه التخون اسيادهه



حسين الطليباوي

[تّـفـاَصيلـٓ]

ﺍﻟﻨﻔﻮﺱ ﺍﻟﻮﻛﺤﻪ ﻟﻌﺒﺖ ﺑﻴﻨﻪ ﺩﻭﺭ
ﻳﺎﻟﺠﻨﺖ ﻛﻞ ﺟﻤﻌﻪ ﺗﻠﻮﻱ ﺫﺭﺍﻋﻬﻪ

روعاتك احسنت قصيده جدا رائعه

[مصطفى السلطان‬‎]

روعه شكرا على القصيده

[علي الشمري]

عاشت الايادي
حلوه فقار

[فقار الكرخي]

نورتو