الى الطالبه التي تعرضت الى حرق… اثير التميمي
البعمري شعرهن ودهن يطول
وانه يكصون شعري هاي الهضمتني
وحيل امي على شعري الطاح هم طاح
كبل تنسه التعب لو مشطتني
گبل ماودي ثوبي يكصه خياط
وشفت موس المضمد كصلي متني
بطيئه انفاسي ما يستعجل الموت
انه مودعه الحياة و ودعتني
مكبرتي عرفته وكبري محفور
بجيت وجتني خيمه وسكتتني
كالت اني خيمه بنت الحسين
ابهذيج النار نارج ذكرتني
انه مجربه الالم من حركت النار
صحيح قماش لكن هم جوتني
وهاي اني بگبر ويحيطني تراب
تعالو اخذوني رجعوني الغرفتي
هلي تعوفوني بغربتي شلون
جنت ما نام اذا ما اشبگ اختي
ضلمه الدنيا عدنه منين ما دور
جفن بس ابيض وگلبي وسمعتي
اجت نص السنه وعندي امتحانات
صفر ترضون ينحط ابورقتي
عطر ماي و ورد وبخور ما اريد
اريدن كتبي واقلامي ورحلتي
هنا تتجسد احزاني…
رد مع اقتباس
