من جنوب الشعر
ومن ذي قار
الشاعر محمد الموسوي
لنرحل معا ،،، ونستمع ما كتبت اناملهنهر خدران يتبده على زلوفج
نعَس من لكَــه جفوفج
ينكهة مطر للتاريخ والصندل
يا ميلاد اخر امل للغركَـان
يا بزرة كَــمر نيسان
يجورية العطر جذاب يم لونج
يمراية زليخة شمالهه عيونج
ملتهيه بحلمهم ليش
والرمان واهل الله وجه للشوف يردونج
يــا سالفتي
ليش المالهم عرفة بــرسول الذوق يقرونج
عطشانج ينهر الشوكَـ وانتــي المستحه بلونج
يــمتبدية عله ياس الله
بعد يا لون تردينه
وبيج الله كتب عنوان
للمتيه عناوينه
عزلتج من نوايا الخمر والرمان
خاف تــجيس عذريتج
وتبدت ضحكة النهران بزلوفج وحبيتج
بعد ياشوك تردينه
من شفت السهر بيه نار رضيت اتحلم بجنه
ومن كالوا عرسها اليوم كسرت خاطري الحنه
بامان الله يجورية
من زفوج ذاك الليل مو لله ولا لفلان
خافوا لاتشوف الناس وجهي عليج يمرايه
وخافوا لا اصيرن قيس وتسولفنه الولايه
يعصفوره ولمن جروج اخذتي شجم غصن مني
سلام الله عله حريتج
من كدما سجدتـــيني و قريتي الليل
نبي عله احلامي خليتج
حسافه لغير جربايه خذيتي الشوك والجرجف
حسافه لناس ما عدهم عرف بالتين
وخدودج كضوهن حف
ناس احلاهم عاكول ما فهموا قواميسج
ولايدرون
يكعد بالورد شيطان اذا نيتهم تجيسج
رد مع اقتباس
المشاركة الأصلية كتبت بواسطة النقيب
