عاشت ايدك موضوع مفيد- الحمد لله اني اساسي زين بالمادة يعني صح اتعب من ادرسه بس مو هذاك التعب المهم اول شي اترجم القطعه كلها2اخذ فكرة ع المادة القريتهه3ابدي اقسم القطعه الى اكثر من قسم يعني 3 اسطر او 4 حتى احفظها زين4بعد ماحفظتهه كلها اراجعها من جديد 5اذا واجهتني كلمه صعبه اكتبها حتى احفظها 6واهم شي لازم تكون عندك خلفيه عن اساسيات المادة
حلوووووووووو
اخت رزان، اذا يعرف الجملة وتكوينها زين ..المشاركة الأصلية كتبت بواسطة رزان
انا اعرف طلاب بالسادس العلمي مايعرف يكون جملة بسيطة
شكراً للمشاركة اختي العزيزة
بالفعل هاي المشكلة منتشرة بين الكثير من المدارس
وكأنه لا يوجد مدرسين متخرجين وعاطلين!!!
والله خوش اسلوب بالدراسة
طبعاً هاي احسن طريقة
شكراً اختي العزيزة ع مشاركتج الرائعة
اتمنى الباقين يستفادون منها
مرورج الأحلى
الطلاب خلص ملوها للمادة...كول عمرهم يدرسون فد الاساسيات واللي هي القواعد...لهلسبب يتخرج من الجامعه ولا يعرف اسلوب الحوار...بلا ميستعمل القاموس..المشكلة يم المنهج..يعلمونا قواعد..واحنا نريد نتعلم لغة تفيدنا
عاشت الايادي.....السلام عليكم
مشكلة اللغة الأنكليزيه للأسف صارت متفشية في جميع المدارس ومثل ماكَـلت العتب على المسؤولين التربويين
مثلاً اني من الناس الآن بالكليه وبعدني اعاني من اللغة الأنكليزيه خصوصاً ان موادنا كلهه على الإطلاق باللغة الأنكليزيه وأكو بقسمي طلاب زينين باللغة الأنكليزيه و يفتهمون المواد بصورة صحيحه.. الفرق الي كان بيني وبينهم انه هم بالأبتدائية والمتوسطة درسوا بمدارس زينة ودرسوهم اللغه الانكليزيه اساتذه اكفاء خلوهم يحبون المادة من هم زغار
اما اني فألله وكيلك صرت بالسادس الابتدائي يله حفظت الأحرف
حقيقة هاي والله و اني متأكده مو بس اني هواي هواي اكو طلاب مثل حالتي والقليل كلش الي درسو بمدارس زينة..
الطلاب الي حبو اللغة الأنكليزيه من الصغر ولكَـو اللي يساعدهم ويشجعهم هم نفسهم هسه الي متفوقين على غيرهم بهذا الجانب
حتى مرحلة المتوسطه ما خلت من هاي المشكله.. الأول متوسط والثاني متوسط اعتقد اكثر المدارس ما درسو الانكليزي بالطريقه الصحيحه انما فقط خلصو الكتاب وميعرفون اكثرهم شنو بيه من مادة ولذلك تلكَـه نسبة الرسوب في صف الثالث متوسط عالية جداً بمادة الانكليزي.. بسنتي الي جنت بيهه بالثالث جانت نسبة النجاح باللغة الانكليزيه هي 17%
والسبب ان بالثالث يتفاجئ الطالب بنمط جديد من التدريس ومعاني كثيرة وقواعد كثيرة ومطالبة بتكميل المنهج قبل لا يعطلون..!
بمرحلة الاعداديه يبدي الطالب يتفهم اهمية اللغة الأنكليزيه ويحبهه بس بعد فوات الأوان واكو اصلا يصيرون بالاعداديه وبعدهم مايحبوهه لأن مشكلة الابتدائيه والمتوسطه تصعد وياهم وبدون حل ولا حتى هم يحاولون يلكَـون حل لروحهم.. فتصعد للسادس وأيضاً أقل نسبة نجاح هي اللغه الانكليزيه..
هذا الحجي كله الدوختكم بيه هي المشكله واسبابهه *_*
اما الحل.. ما اعتقد عندي حل مناسب لأن مشكلة ماصارلهه سنه او سنتين حتى الحل يكون مناسب وسريع
بس افضل طريقة هي التشديد على اختيار المدرسين الأكفاء لمادة اللغة الأنكليزية ومتابعتهم من قبل المشرفين الأختصاص
وأيضاً الطالب نفسه لازم يحاول يلكَـه طريقة تساعده.. مثلاً الأنترنيت منو هسه ماعنده نت بالبيت..! يكدرون من خلاله تحصيل مقاطع من اليوتيوب للغة الأنكليزيه او المشاركه بمواقع تطوير اللغة يعني يستخدمون النت للفائده وبالطريقة الصحيحه.. مو لقضاء الوقت والسوالف وبس..!
هذا كل الي عندي
ولو طولت عليكم ويمكن ما تلحكون تقرون الجريده ^_^
اعتذر ع الإطالة... تحياتي
اكو متخرجسن انكليزي بس ما كو توضيف
ماكو رواتب لمدرسين اكيد ما ايوضفون كادر جديد
المشكلة بتدريس اللغة الانكليزية وكلهة تعتمد في بدايتهة على المعلم بالابتدائية والاساس اهم شي لان هو اذا كان اساسه قوي مستحيل ينهدم بنائه وبعده يجي دور المدرس بالمتوسطة يكمل مسيرة المعلم فالمعلم والمدرس لهم الدور الاكبر في هذا الموضوع لان حاليا بمدارسنا والي دنشوفه انو الطالب يوصل اول متوسك وهو كل شي ميعرف حتى الاحرف محافظهن اذا حافظ شكم كلمة سهلة وهذا اكبر غلط فالحل انو احنة لازم نعلم اولادنا بالبيت وننطيهم الاحرف واساسيات اللغة الانكليزية حتى يحبوهة وتصير عدهم سهلة . ..تذكرت معلمتي بالابتدائية جانت ونعم المدرسة احنة بالسادس نعرف كلشي ومجانوا الاهل يتعبون بتدريسنه لان كله تقرينه بالمدرسة حبيت درس الانكليزي من صغري وبقيت احبه واتفوق بي والحمدلله الان دخلت تربية قسم انكليزي والفضل يعود الى معلمتي ست سحر
اعتذر على الاطالة بس حبيت احجي تجربتي مع اللغة الانكليزية ..... تحياتي وتقديري
اختي العزيزة نادراً ماتلكين الأهل يعرفون يدرسون لأن هم أصلاً درسوا بنفس الطريقة!!!
وشي أكيد المرحلة الابتدائية تلعب دور مهم جداً بل الدور الأهم!!!
مشاركة رائعة
شكراً لكِ
اذا الطالب ميريد يتعلم فالمدرس مابيده شي خاصة اذا الكل ويا الطالب ويخلون الاوضاع والي جاي يصير و الظروف كلها ع اساس تعيق دراستة ..زين الطالب بالابتدائية شجان يدرس حتى يجي للمتوسطة وهو ولا طكة والاحرف مايعرفهن اصلا..ومن يسأله مدرس يجاوبه والله ماعرف ولا حتى يريد يعرف لان ضامن نجاحه بعد ليش متعب روحه .. الواقع كلش تغير
رد مع اقتباس
