هنا

[احمد الفجراوي]

يااه صراحة طول هالفترة ما انتبهت لهذا الموضوع ومادريت بردك

على كلٍ .. تكول المشكلة مو بالمدرسة انما بالمعلمين والمدرسين!
مو هيه نفس الشي قصدت بالمدرسة الكادر التدريسي لأن طبيعي هم الي يدرسون مو المدرسه نفسهه .
فأكيد المشكله بالمدرسين او المعلمين لأن هم المسؤولين عن إيصال المادة للطالب.

بالنسبة للحلول الي طرحتها انت



هي حلول ممتازة تعتمد بالدرجة الأولى على الطالب حتى يغطي فشل المدرس..

وبالنسبة للتشديد على اختيار المدرسين أكيد ماراح يعالج المشكلة الحالية للطلاب انما مستقبلاً
ويبقى الأعتماد على النفس هو الطريق الأول وألأخير للنجاح.

تقبل تحياتي وأعتذاري ع التأخير

شكراً لك أخت ملاك ..

[احمد الفجراوي]

ليس الخلل باللغه الانكليزيه انما الخال بسبب الطالب الذي جعلها عائق امام مسيرته التربويه لا اعتقد ان الشخص الذي يريد التميز تكون عائق امامه بل هي لغه سهله وبسيطه ولكن تحتاج الئ الاستمراريه والتعلم هذه وجهه نضري مع احترامي لاراءكم دمتم بخير

والله كلام عين العقل صراحةً .. خصوصاً مع تعدد الوسائل هذه الأيام مثل الانترنت ومصادر الكتب..الخ وفعلاً هي أسهل لغة في العالم
شكراً لكِ

[احمد الفجراوي]

اعتقد ان المسألة تتعلق بالايمان واذا ما كان الفرد يصلي الفجر بوكتهة او لا

احتمال وارد جداً حبي هههه

والله با ابو شهاب الخلل كلة بالأساسيات ومدرسين الابتدائية والمتوسطة الي نفرونا من الانكليسي .. اني من الناس من دخلت خصوصي بالسادس المدرس بدة وياي من الفعل والفاعل وشلون الجملة ومنين تتكون ومن ابسط الامور الاساسية بدينة لان الأساس ركيك باللغة الانكليسية .. فالخلل كل الخلل بالمدرسين التربويين

اي هو هذا اللي اقصده .. بس الطالب يكدر يعتمد ع نفسه مثل ماذكرنا ومياخذه عذر .. شكراً عزيزي .. رأيك ع الراس و ع العين

[صحراء]

ربي يوفقهم ......................كووووووووووووو وولهم الانكليزية جددددددددددددددا سهلة جدا اسهل من غيرها من اللغات

[Ćat]

اني ابت محد يلحكني بالانكليسي
اساس المشكله مدرسين ليسوا بكفائه تخيل مدرسة اللغه الانكليزيه تتهجى الاحرف بصعوبه ! ولا تعرف القواعد ! شيء ثاني الطالب من الصغر لا يجد اهتمام باللغه لا من ناحيه الاهل ولا من التربيه لذلك عندما يكبر يواجه صعوبات في اللغه

شكرا

[جورية]

اخي اكثرر طلاب اخافون منه لان براي السبب من الاهل يعني من هو صغير احطون براسه انو الانكليزي صعب (شدبرلك الانكليزي..فنك اذا نجحت بي ....يعني هيج شي)
بس انا الحمدالله زينه بالانكليزي بالحفظ والقواعد لكن بالحجي للاسف مدارسنا ما تعلمنه نحجي وهذا الي يدمرنه بعدين.....

شكرا لك موضوع جميل

[محمد باقر]

اخت ملاك صدك كاتبتنه جريدة بس لح انطيه تقييم

[‫سلاما بلادي‬‎]

السلام عليكم طبعاً اني اشكركم على طرح مثل هكذا موضوع مهم جداً واتفق مع التعليقات المنطقية اللي طرحوها الأخوة والأخوات والسبب الرئيسي للمشكلة هم المعلمين والمدرسين ولكن نسينا سببين أهم من المعلمين والمدرسين وهما المنهج وتهيئة المعلم أو المدرس لذلك المنهج فمثلاً بنتي طالبة في الصف الأول المتوسط وطبعاً مثل متعرفون منهجهم تغير في هذه السنة مع العلم هو قبل كم سنة أيضاً تغير والمدرسة اللي تدرسهم غير ملمة بالمنهج الجديد ودرسوا الشهر الاول على المنهج القديم وبعدين المدرسة دخلت دورة لمدة أسبوعين فقط ورجعتلهم وهي متذبذبة بين المنهج الجديد والقديم والسبب الثاني كلنا المنهج طبعاً المنهج غير متوازن وغير متدرج فمثلاً منهج السادس الابتدائي يعطيهم أدب وقطع طويلة في حين منهج الخامس الابتدائي يركز على الحروف واوليات بسيطة وهكذا بالنسبة المتوسطة وطبعاً اني ما احجي من الفراغ انا معلمة لغة إنكليزية وبالنسبة للحلول هي 1.يجب تهيئة المعلم أو المدرس جيداً من خلال إدخاله دورات طويلة ومو أثناء الدوام بحيث يؤثر عالطالب و 2. تغيير المنهج بالكامل من الأول ابتدائي وصعودا بالتدريج وملاحظة لوتشوفون منهج الصف الأول الابتدائي أصعب من منهج الصف الثالث الابتدائي وعذرا للاطالة

[‫سلاما بلادي‬‎]

وطبعاً أعزائي نسيت شي مهم أيضاً وهي الافتقار للوسائل التعليمية اللي إلها أثر جدآ قوي عالطالب وخصوصاً المناهج الجديدة مستحيل تدرس بدون وسائل مثل أقراص سي دي تشغل على لاب توب وما إلى ذلك وطبعاً راح تكولون قبل ماكو هيج شي وكان الطالب احسن لكن أحب اكول طالب الأمس ليس كطالب اليوم بحرصه وتركيزه وحبه للمدرسة واحترامه للمعلم

[فداك ياعلي]

عليمن انحب الانكليزي عمو الكوكل موجود وبي 100 لغة