يم الضريح افراح
هلْ بالفرح والخير شعبان اجانه** وبطلة الاقمار نارت سمانــــــه
زف الحمام الراح
يم الضريح افراح
ضَوّت سِمانه
***************************
هَلْ مَولِده الميمون * عَرش الله كَبر
مَولد ابو السجاد * عالدنيه ازهر
ولكربله الزوار * نهر وتفجر
شعبان اجانه بخير* بالمولد أبشر
يتوج التاريخ بأجمل ولاده ****ثبت ركن هالدين باكبر شهاده
بلسم تداوي اجراح
يم الضريح افراح
ضَوّت سِمانه
***********************
ثاني فرح شعبان* لاح ونشوفه
من المهد عباس * حظر چفوفه
يستقبل الزوار * هاي التطوفه
كعبة وفه ونوماس* تشهد طفوفه
چَافل چِفل تاريخ دَون ثباته*** فوگ الجرف والماي لاحت صفاته
زينب گلبهه ارتاح
يم الضريح افراح
ضَوّت سِمانه
******************************
والعابد السجاد* بالخامس اشرق
هَلْ بشهر شعبان * بالسجده انطَق
منطوقه بالآيات..مفهومه بالحق
دمعه لبوه حسين * كل لحظه رقرق
بالسجده رَبى اجيال اده العباده*** والتقوى والايمان ياشيعه زاده
بالفرحه كلبي اجناح
يم الضريح افراح
ضَوّت سِمانه
********************
اصَبح وجه عالكون *** الاكبر تلاله
من النبي المختار *** ماخذ كماله
رابع ضوه بشعبان *** يسطع هلاله
إذّر خطوته اثار ** بالطف بساله
طرة فجر ميمون بالبهجه يظهر *** شمس وتشع عالكون من عند الاكبر
الليله همنه انزاح
يم الضريح افراح
ضَوّت سِمانه
***************************
بسمة زمان ابعيد ** لمعت حنينه
كل مايمر شعبان** تشرق تجينه
شهر اليهل بهلال *** واربع علينه
نص الشهر ظل نور*** منقذ سنينه
المهدي اخر نور من هالسلاله * يظهر يعم الكون خير وعداله
عطر الشهر بي فاح
يم الضريح افراح
ضَوّت سِمانه
_____________
بقلم الخادمة الأخت الشاعرة
صدى الذكريات
رد مع اقتباس
المشاركة الأصلية كتبت بواسطة النقيب
