أنا والاشتياق
اليـوم ميـلاد الحسيـن
سبط طاها الهادي سر ربّي المتيـن
اليوم فرحانـه الملائك بالسمـاء
آنه احسّن گلبي صاير بي عـزاء
ياحسين ... آنه مشتـاگ إلك يا سلوة العيـن
الوادم اتطوف ابضريحك وآنه ياكلنـي القهـر
آنه غايب عن ضريحك ليش يبن المرتضه فارس مظـر ؟
آنه اريدن ارجع الديـرة حسينـي
لچـن ميخلينـي دهـري
آنه كل لحظه بغيابك انده ها ياروحي صبـري
ربچ ايفـرّج يروحي وهوّه رب العالميـن
هوّه ارحم من رحيـم ... الخالق الباري عظيـم
احسيني عند اللهكريـم ... وآنه يم جوده مقيـم
والله هاي الغربه تكسر ظهر إبن آدم يبن طاها الأميـن
تعرف اشلـون إنكسر ظهـري ابغيـابك ؟
مثلمـا عباس طـاح إعلـه النهـر
وإنتـه صحت بعالـي صوتـك
خويه عباس إنكسر منّـي الظهـر
دمعي ضل ياكل اخدودي وجرحي بي كومة ملـح
آنه بغيابك حبيبي ليلي ما صايـر صبـح
اي وحگ بنتك رقيـّه ابصدري چن نابت رمـح
يا حسيـن .... يا دليـل الحايريـن
تدري آنه اشكثر مشتاگ الحضرتـك
روح اسأل فاطمـه الزهـراء سيدة النسـاء
واسأل الكرار ابوك الحيد سيد الأوصيـاء
إنته سأله الكعبـي كم مشتاگ ؟ يابويه علـي
حزن گلبي ابغيبتك ما ينجلـي
الغربه ما ترحم إبنـآدم يا دليل الحايريـن
من اشوفن صوره للمرقد يبو الاكبر حبيبـي
اي وحگّك ابقه اذوبن مثـل شمعـه
لچـن شمعـه ابصفهـا دمعـه
ودمعـه دمعـه ابصفهـا شمعـه
وكل جروحي ابغيبتك يحسيـن تنعـه ؟
أبچي سكته والنبض بسمك يدگ آه يالحسيـن
ياحسيـن .... ياحسيـن .... يا حسيـن
آنه من أشتاگ أزورك أگصد الزهره بدمعتـي
وأبقـه أگلهـا ها يمولاتـي الشفيعـه
سلميلـي إعلـه الحسـيـن
يا حسيـن ... ياحسيـن
آنه أتنطّر جوابك يبو الأكبـر آه يبن الطاهريـن
أرد اجيلك ... يمّك الفظ آخر انفاسي بفـرح
ولون ملك المـوت رايد يعتنيلـي
أهـلاً ومرحـب ...
يجيني وآنه گاعـد يم ضريح الكافـل
العبـاس إبن الأتقيـاء
ابقه اتنطّر جوابك يا حبيبـي يا حسيـن
أبقه انـادي مثل ما نـاده المنـادي
احسيـن سبط النبـي الهـادي
من سـلام الله على صوتك حبيبـي يا حسيـن
*****
يبـو اليمّـه الدهـر حافرلـي بيـران
أحسّن صـوت هاذه البيـر بـي رن
يعنـي لشوكت آنـه ابقـه بـايـران
كسرني القهـر يا شمـس الزچيـّه
****
اللائذ بحما مولاهُ الحسين (عليه السلام)
علي الكعبـي
رد مع اقتباس
المشاركة الأصلية كتبت بواسطة النقيب
