الله لاينطيك .. لـ أثير التميمي
لتكَلب سوالف شبعن امن الموت
اقره الفاتحة وثوبلهن السكتة
ولاتدفعلي واجب واصله من العام
من حصة ضميرك القبلت بعته
انه وياك.. ليل مشيعينه احلام
دفنه احساسنه ومنصوبة فاتحته
الله انطاني بعدك..بس نطاك وليد
تمنيناه سوة ومن غيري ..خلفته
استغربت الجفن..كتلك علي بي طول؟
متت والزاد مني كَماط .. فصلته
ومن شفته اعله جتفك شايلة انغثييت
بجفك جان موقف ماتذكرته ؟
كَلت كل عمري الي وجتافي للعباس
اشو دنيتة والعباس .. كترته !
مجالك شوفك بالغرفة راحت بال؟
وأنة بشارعكم افتر .. بيتي ماشفته
بلون الكحلة البعينك لبست هدوم
وبذمتك شبابي الراح علكَته
انته اول جرح.. يبتسم يطلع صوت
وانه.. اول غشيم الصارلك نكته
الشمعة التخلص اسوالف ضواها تموت
منو اليدي بعمرها شلون خلصَتَه؟
ترة موقف هجر من غالي ذبحة سيف
وخفت يذبحني غيرك..وذبحتني انته !
اليسبل الماي متذكر عطش الحسين
شذكرت وماي وجهك كله سبلته ؟
شلت منك جرح..خلكَـ اليدور ثار
طوييييل بكد ضحكتك ع الوفي الخنته
اسد عيوني بس .. الكه الجرح مفتوح
لضمت الذكريات وبالدمع رفته ..
بحجابات القلق ..واجب الك كضيت
وانت حجاب شعرك للعدو فتحته
ومن ذاعو بيانك.. كَالو انزفيت
تركت سلاح صبري وموضعي اتركته
كَلبت المواجع .. الله لاينطيك
وشينطيك؟ .. وانته الردته حصلته
وتركت انسان بعدك بس نفس وهدوم
هوة جفوف اليسلم.. صاير يعدهه
هوة جفوف اليسلم.. صاير يعدهه
.
.
رد مع اقتباس
