قصيدة ها شعبان
ها شعبان هم جايب فرح وياك -- طلكنه الفرح وي جيت العام
ماظلت بعد لمه اوصفك وورود -- صاح امساك عدنه الفرح صام
ها شعبان تنشد وين الاحباب -- المسافر والبسجن والنفذوله اعدام
ها شعبان تنشد وين ذيج الدار -- دار العلم بيها انصاب الاسلام
هدمها الحقد واهل الدجل والجور -- من شافوا علمها اعلى من الاعلام
هاشعبان تنشد وين راعي الدار -- راعي الدار غصبوا حقه الاقزام
ها شعبان جنك مستحي من الصار -- جايب فرح واحنه انعيش بألام
تريد انسوي مولد من يطش جكليت -- تدري ابكربله انسحلت الاجسام
تريد انسوي هوسه او ندبج اعلى الكاع -- ياهوسة التوالم ِخدامِ
بعدنه نريد نكتب هوسة العيد -- الحزن هوس علينه اتكول محتام
تريد انسوي لمه اوصينية وشموع -- اونشيل الياس ونشغل انغام
الدمع طفه الشموع اوذبل الياس -- وانغام الفرح صارن حزن دمام
ها شعبان شنو لا هذا جلال -- موش الجان عدنه ايصور العام
ذاك احسين راح او يونس اوياه -- هذاك الكضه عمره ابثغر بسام
شلون تريد نفرح والحبيب ابعيد -- ياوسفه الفرح وياه مادام
للشاعر
الاخ العزيز
أبو حسن الشامي
رد مع اقتباس
المشاركة الأصلية كتبت بواسطة روح لاتعرف اليأس
