هنا

[Daleen]

السلام عليكم

عندي مشكلة مع الوندوز 7 ... اغلب البرامج غير متوافقة مع النظام ... قبل ايام عانيت لحد ما دبرت نسخة من Internet Download Manager تتوافق مع النظام والحمد لله دبرت

المشكله الثانية : برنامج الفوتو شوب cs4 تنصب عادي وموجود لان النسخة اصلية .. المشكلة الي جاي تصير ميفتح البرنامج مباشر من الايقونة على سطح المكتب الا من run as administrator او من open file location
شلتة ورجعت نصبتة مرة ثانية ونفس المشكلة .

الثالثة: برنامج

TechSmith Snagit Screen Capture

هذا ما تنصب نهائيا بمختلف اصداراتة وماعرف شنو السبب.

رجاءً نقذوني بالحل لمشكلة البرامج مع الوندوز 7
لان ما جاي اكدر اتحرك واعمل اي شي بدون هذه البرامج .


اسفة للاطالة

[spyman]

مرحبا دالين :

دالين استخدمي هذا الاصدار الويندوز 7 ابو الواجهة السودة والذي يحوي على رقم سري

انا استخدم هذا النظام وما بيه ادنى مشكلة ,ومنصب بيه برامج ضخمة جداً , الثري دي ماكس والمايا والميدبوكس

وهذه صورة للاصدار :

[Daleen]

شكرااا سبايمان على الرد وعرض حل للمشكلة
بس لو كايلي منين اخذت هاي النسخة اروح اشتري
اني عندي الازرق ومضبوط ... بس هذه المشكلة
ومع بعض البرامج مو كلها

[spyman]

لا شكرا على واجب

لا دالين بقية النسخ انا مجربهن وكلشت تعبانات

اشتريت النسخة من العشار _ عبد الله بن علي _عمارة الحاسبات

[Samer]

السلام عليكم

المفروض ..حسب ما تكول مايكروسوفت .. انه ويندوز 7 .. متوافق مع أكثر البرامج اللي كانت تشتغل على الويندوز XP

.. زين .. اكو برامج جانت تشتغل على الويندوز XP .. و هسة ما تشتغل على الـ 7 .. شنو الحل ؟

الحل بسيط .. و متوفر بمايكروسوفت نفسها

تنصيبن لازم شي إسمه Windows XP Mode

متوفر على هذه الصفحة للتحميل

http://www.microsoft.com/windows/vir.../download.aspx

مجرد تختارين الإصدار الويندوز مالتج .. و تختارين اللغة و تضغطين على زر Windows XP Mode

أكو مشكلتين زغار بس

الاولى .. هي أنه حجمه حوالي 500 ميكا .. بس بوجود الانترنيت داونلود منجر .. تنحسر المشكلة هواي

الثانية .. أنه تحتاجين تمرين بفحص الجينيون مال الويندوز بعد ضغط الزر ..إذا ما عندج نسخة ويندوز اصلية ..تكون هذه مغامرة .. بكيفج تفوتين بيها أو لا

الحل .. إذا ما عندج نسخة ويندوز 7 شرعية .. و تريدين تمرين بفحص الجينيون

انه تسوين هذه العملية .. قبل انتهاء فترة الـ Trail مال الويندوز اللي هي مدتها شهر بعد التنصيب .. و وراها تسوين الكراك

حل اخر .. انه تمرين بهذه المغامرة.. عسى و لعل (تعبر) على الفحص .. إذا عبرتي .. و كللج النسخة مالتج اصلية ..خلص

اني مسوي هذه المغامرة هواي .. و نادرا ما يكتشف عدم صحة النسخة

بالنسبة إلي .. حصلت نسخة من علي اونكر .. نسخة ويندوز 7 Ultimate رهيبة .. حتى ما تحتاج انصبلها Windows XP Mode أعتقد محصلها من التورينت

إذا مريتي بالكوت .. اشمرلج القرص من جامة الكية خخخخخخخ

.. طبعا .. مثل ما كال سبايمان .. .. اكو نسخ هواي بالسوك للويندوز 7 .. و اكو بيهن الزينة .. و اكو التعبانة .. إختاري أو إسئلي على النسخة المجربة اللي ما بيها مشاكل

*********************************

بالنسبة للمشكلة الثانية .. مال الـ CS4

المفروض حلها بسيط

مجرد أنه تسوين كلك أيمن عل ايكونة
تروحين على Security
تروحين على Edit

راح تشوفين اكو قائمة بأسماء المستخدمين (اكو افتراضيين و اكو انتي)
System
المستخدم مالتج
Administrator
مدري شنو


تدوسين كلك على إسم المستخدم مالتج
و تأشرين كل الصلاحيات (المربعات)

و تدوسين OK و بعدين OK

إذا واجهتج مشكلة .. كولي

تقييمي إلج عل سؤال .. حسب الاتفاق .. انه كلمن يسأل بهذا القسم أقيمه


تحياتي

[Daleen]

شكرااا اوراكل ع الرد
النسخة الي عندي نسخة مو تريل بيها سيريل نمبر ... وتحدث بين فترة وثانية ع النت
بس ماعرف ليش صارت عندي هاي المشاكل ع العموم هي نحلت كلها اليوم الصبح
حملت نسختك TechSmith Snagit Screen Capture
وتنصب بدون مشاكل ... والداونلود منجر لكيت عندي دي في دي بيه نسخة للوندوز7
وتنصبت بدون مشاكل ... احاول ارفعها للشبكة حتى تستفاد منها الناس اذا خدمني النت
ان شاء الله .... اما الفوتو شوب هذا شتريتة وحدة .
استفاديت من المعلومات
غيري راح يستفاد لان كثير يمرون بمشاكل وي 7

بالنهاية شكراااا مرة ثانية .... وماكان اكو داعي للتقيم لان هي مشكلتي
وطلبتلها حل .... المفروض اني اقيمكم لان ساعدتوني بالحلول


سبايمان شكرااا الك ع الرد تعبتك اخوية

[❥ ᒪɹ̈ɹ̤ȷɠ✿ɹ̤ɹ̇ɹɹɹ]

شـ,ـكـ,ـرآ

[الرميثي]

يُغلق الموضوع لانه قديم