يالرايد تسافــــر وتروح للغير انشدك بالإخوة اشوية أتمهل
وانظر للعــــــــراق وحنة الفاو ونخل الجنوب وتَمـرة المعسل
وانظر للوسط والْدلال المخدرات ودجلة وفـــرات المايهن سلسل
وبغداد الحيبة وكاظم الغيض وبسامراء الحـــياة شلون تنمل
وارض النجف والبه معـــروف وبنة الشهيد ابكـــربلا حــــل
وششرح بعد من توصل الى اربيل لـو حمام العليل الطيب المعتل
صح وان كللك تعبنة هــــــواي يستاهل وطنة الخاطـرة اتحمل
اصير الابو لــــو طاح ينعاف الكبر وليـــــدة ايشيلة يتأمــــل
صير الوالــــــدة بساعة بضيج يتركها ابنه وعنة يـــــــرحل
وانشد بعـــــد اصحاب الكفاة ليش علــة اهلك بالعلم تبخل
بلاد الكبرك وهـــــــــو لمربيك تغبله مروتك بالغرب يتوسل
وارد اكلك وسمع الكــول لــــــو عيشت ملك من غير الوطن ذل
صح الوطن مجروح بهاي الايام بس هو يريدك جرحه تشل
أحط ايدي وايدك نصبح احزام أحزام الإخوة الما بعد ينحل
اذا مو ان وياك نداوي الجرج يحط سيفة بجرحنة يوسعة المحتل
(بقلمي المتواضع . اجو من الاخوة الكرام تنبيهي على الاخطاء )
رد مع اقتباس
