مقطع
اترجاك كون عله الشعر مسؤول
لتكتب بيت ,,,صفنة بحقه تبخلها
ولاتمليها هم واكتب شطر افراح
بترافة وشوك كون الصوره تنقلها
موهبتك امانه وموسهل تنصان
بروضة من المشاعر وردة تشتلها
وخل ساس القصيدة عله القضية يدور
رسالة تريد للاجيال ترسلها
من تكتب قصيدة تلفت انت هواي
خوفك لون غاوي ملثم بظلها
ولاتتكبر إعله الناس كلنه تراب
التواضع جيش كاع ال أنه يحتلها
اذا تكتب قصيدة وتذكر ال البيت
بذكرك هذا كل نقادك اتذلها
صفنة بتالي ليل مكبعه بحسرات
غير احساس شاعر منهو يحملها
ولتعبر قلم ..شارع.. بله الصفنات
القلم اعمة وتسنده بعصة احساسك
ولاتخدش حياء بغزل يعمي افكار
يلتعتبر قدوة وينمدح ساسك
حب ابيات شعرك واحترمهن حيل
وررد دوم بين جنهن انفاسك
ولاتكتب ابيات التلجم المجروح
تضمد جرحه خلها وازرع بياسك
ولاتكتب وطن بي نايم الناطور
واكتب ياوطن ثق كلنه حراسك
رد مع اقتباس
