مـوبــعــيــد اشــمـا مـسـافـاتـك تـعِـدْ
آنـه ضـامِـن تـرجـع اشـمـا تـبـتـعِـدْ
أنتظر جـيـتـك عله الـغَـصـبـن أعـيـش
أدري الِـيـجيـبـك حـلـيـبـك من تـرِِدْ
كَلبي شايل لهفـة ام يـسـأل علـيـك
يـعـزِف اونـيـن الـجفـه ابـكَـد مـايـوِدْ
تعرف ابشاطي الكَـياض امن الجفـاف
هيـجي حالي اتأمّـل ابـجـزرك يـمِـدْ
ظـلّـت ابـكـيـفـك تـعـلـعـلـت ابـجـفـاك
غيـبـتـك تـكـتـل تـره اتْـيـبْـسِ الجبِدْ
روحـي الـك تـشـتـاكَـ يـمـدلّـلْ تـعـال
هـيّـه غـصــنـك مـاتـفــيــد ابـلا ورِدْ
أعـتـلكَـ شـمـعـه ابـوصــالـك ما أذوب
تاره اضوّي اوتاره بـدمـوعي انـسـرِدْ
خـل أشـوفـك يـا بـعـد هـاي اويـهـاي
تلفت اعيـوني البجي اغداهه ابرمِـدْ
من تـشمّـك مهـجـتي احزاني تـروح
بس تره ابـنـشوة شبكَـتـك انـسعِـدْ
واللّـه تـامـِر علـيْ مـِن كـونـك تـعــود
جندي الك كل لحضه اوكَف مستعِـدْ
مـا أمـلّـك لـو عـرف بـيـك انـتـه مـوت
أقـبـل اشــمـا يـبـدي مـنّـك يـامــرِدْ
هـدّم ابـحيـلي الـصـدود اشـهـلفـراكَـ
لانه صـاحي او لانه مـجـنـون ارتـعِـدْ
عالوساده اتـكَـلّب ايـسـار او يـمـيـن
غـيـبـَة ارسومي ابـحضـورك تـنْـوجِـدْ

للشاعر
ابو سيف الحياوي