دور وجهك عني فدوه انه انتهيت
انته وجهك مو طبيعي بنوره
سولفو عنك قبل ماصدكيت
ومن شفت وجهك لكيت اسطوره
شنهي بابل شنهي سومر لو حجيت
وياهو هذا الراسم الزقوره
اور من طين انبت وانته انبنيت
من ظوه وظلك طلع حزوره
من تجي بتموز اظل ارجف عليك
اتريد بجويريد اهيس احروره
تمشي مو عالكاع جنك لو مشيت
الناس كلهه اتصيح وجهك دوره
وكلهه تلتم من تجي وجنك ثواب
المايعرفك راح جاب اكدوره
اوكف اشويه اعله بختك مشتهيك
احجايه وادري بحظرتك محظوره
انطيني خدك ها ولو زحمه عليك
خل اضوكه ابريجي احس امروره
وصوره خل ناخذ سوه وبعدين اموت
عل اقل وياك ماخذ صوره
للمبدع سعود الخفاجي
شطره
رد مع اقتباس