وانت ياخصر الشواطي اشكد نوارس تشتهيك ...
.. بيه حيل .. وعندي راي
وجلمة جلمة ...
ايفزن بطولك سوالف مشتهاي
وهيه هاي ....
الدنية بت اليوم واموادع امس
وانت مدري ...
ابين زلفك والنحر شبخة شمس
ابين وجهك والصدك جلمة تعال
سولفولك ؟؟ نية اليغفه اعله طيفه ايبات صاحي
وحوبة الكاع بعطشهه التغسل ذنوب المساحي
ودنيا هاي ....
اليعصر اظنون الهوا اتسولفله ناي
اليعثر بوجه الجرف يحجيله ماي
التخدر بعينه السوالف يلبس الصفنه ويجيك ...
وانت ياخصر الشواطي اشكد نوارس تشتهيك ...
وعندي حيل ... وعيني صلفه
ومستحه احديثه بوجنتك من تمر بالديرة زفه
لا تواعدني اعلا باجر ....
النهر لو فاض شوكه ايغازل اخدود الكناطر
واليجيك ابلا جدم خطواته كلفه ..
عيوني فحطانه اعله طولك
مالكلت بالملكه لهفه ..
ذنبي تانيت الرسايل ..
وذنبي جذبت الحمام ..
وطاوعت روحي واجيتك
وانه ادري ابيا مشط ليلك ينام ...
المبدع
الشاعر كاظم الركابي
رد مع اقتباس
