هنا

[فقار الكرخي]

جم ليل عگبك بالنفس نيمته
جم شوگ بايت جي رحت ما گلته
الوادم رخيصه بلهفتي
واشتاگلك بس انته
الطير ابن عش الشجر وعله الهجر علمته
يل وهدنت روحي ورحت
حطيت وجهي اعله النهر ما شفته
مامش ملامح بالوجه غيمه بسماك تبخرت
ودلالي بسوگ الهجر دورته
يل علمتني اعله الحضن يمته وترد
ما ضلي واهس لو حلم ما لمته
وشما عطل گلبي وهفه
من ايده جبته اعله الصور شممته
كل التكرهك والتحب
عگبك اجو
جا وين وجهك عفته
تسودن دليلي بفرگتك
وحجايتك دگت جرس كلما ترن فززته
سوالف دليلي بلا حجي
وخايف يصم
جا يمته ترجع يمته
طورشني بصياح الدمع والهم كبر
ربيته دمعي بفرگتك وعله الجرح علمته
كلمن يحب
ودالي شمات وحجي
وثگل دليلي بفرگتك نوح الجرح
يابو المحنه الما يجي
لا جيت طيبت الجرح ولا گلبي طايح شلته


م

[تّـفـاَصيلـٓ]

الله الله روعات جدا

[Yasser Alhawaj]

كلمات تشفي غليل العاشقين

شكرا من القلب على تلك الكلمات

[علي الشمري]

عاشت الايادي