حسب ما اعتقد ترهملي انته
حسب ما اعتقد ترهملي انته
شفتك وصرخت هم زين شفته
حسب ما اعتقد كمت انا اريدك
... وكوه مصبر ايدي اشتهت ايدك
وراح اعلن واصيح وكافي سكته
حسب ما اعتقد ترهملي انته
حسب ما اعتقد حسيت بيه
يمته اعلن واكلهم صار اليه
صحيح الشيب فوك الشعر طشار
وكيرنا بس بعدها كلوبنا زغار
بدكات القلب اسمك سمعته
حسب ما اعتقد ترهملي انته
احبك واعتقد مثلي وتحبني
وفزت بيك انا ما واحد غلبني
علمودك كمت اتعارك وياي
وعليك عيوني هاي تغار من هاي
ولحد الان ما كايل عشقته
وحسب ما اعتقد ترهملي انته
حسب ما اعتقد بيك ارتبط يوم
وكلشي يصير واضح ماكو مضموم
وانا اتمنى شي وما اريد كلشي
اريد كبال كل الناس نمشي
واكلهم هو هذا الآنا ردته
وحسب ما اعتقد ترهملي انته
حسب ما اعتقد حيل انته حباب
واذا ترهملي راح ارجع صدك شاب
احس نبض القلب ماهو اعتيادي
بلكي تصير ويصير اعتقادي
وتعوضني عن عمري الخسرته
وحسب ما اعتقد ترهملي انته
احس بشوفتك ما ظلت جروح
وانا وياك احس روحي اشتهت روح
وحسب ما اعتقد جنك صرتلي
بلكن تعتقد هم انته مثلي
واشبكك من بعد صبرن صبرته
وحسب ما اعتقد تهملي انته
احس تصيرلي وعتقد صاير
وبعد ما راح اظل مكسور خاطر
ووياك امشي متونس بين هالناس
ولان بيك انا فايز ماخذ الكاس
واويلي شلون كاس انا الاخذته
حسب ما اعتقد ترهملي انته
حسب ما اعتقد بيك انا مجنون
وبس انته اشتهتك هاي العيون
وبس انته عشك للروح ترهم
وبس انته التصير لجرحي مرهم
القلب مقفول من شفتك فتحته
وحسب ما اعتقد ترهملي انته
شفتك وصرخت هم زين شفته
المرحوم عبد الحسين الحلفي
رد مع اقتباس
