رساله دارمي , مجموعة دارميات سؤال وجواب , دارميات حياويه
مجموعة دارميات سؤال وجواب
رساله من العم شمه داود وهو احد المسفرين من قبل ازلام النظام البائد من مدينتي
موجهه إلى استاذي الشاعر سلمان جبوري في الرساله دارمي ويرغب الجواب عليه حيث قال :-
لابجي ولااحزان ياولدي ماريد ... الكم وصيتي وهاي دفنوني بسعيد
(الجواب)
الشاعر الحاج نزار صعصع
اكبل علينة وشوف ولدك يمهيوب/دمع الفراك يسيل ويبلل الثوب
منالشوك إلك موال ييجي وي الغروب/ماتندفن بسعيد دفنك بلكلوب
(الشاعر سعد جاسم)
ياشمه والكرار والبلعته الحوت/بس تومي عدعيناك لجهنم نفوت
نغسلك بدمع العين من كونك تموت/ونسكم من ضلوع وادمنه تابوت
(الشاعر رضا حبيب)
البعد كل ماطال اشواكي اتزيد/ يالفاركتني سنين خي يومك بعيد
الحينه ريت اتعود وجروحك تهيد/ترجعلي واتلكاك يم حضرة سعيد
(الشاعر كريم عبد الحسين طاهر)
سهله اصبحت هالحين الطلبه بالايد/حي من تجي وتزور وتصلي بسعيد
(الحاج كريم صحيب)
نعم وثلث تنعام من تطلب اسعيد/خيمه أعلى أهالي الحي والشاره بالايد
لاجن ياشمه الروح من تطلب اتهيد/تراب النجف كافور يم حيدر تريد
(الشاعر المرحوم سالم شاهين )
عمرك طويل هواي وصلت وصيتك/بالكلب مو بسعيد ننصب بنيتك
(الشاعر عبد الامير الحاج بنو)
عمرك عساه يطول يا حلو لاطباع/يصعب علينه هواي لو حل الوداع
(الشاعر سلام محسن)
حبك يبن داود ابنص كلبنه/وعمرك عساه يطول وإتعاودة النه
وننخه من ابو الحسنين ايرد شملنه/ونكعد سوه ونعيش بربوع اهلنه
(الشاعر سلمان جبوري)
المن توصي بهاي ياشمه داود/انت من اهالي الحي وبنصنه موجود
يوم التريد تعود نفرشلك اورود /ماظل بعد ياصاح بس اعبر احدود
(الشاعر علي الزبيدي)
بعيد البله ولاكال يمونس الاحباب/بديرة غرب ماريد تتواره التراب
دفنك بكلبي يصير مفتوحه الابواب/كل وكت تنزار ياورده يرباب
(الشاعر الحاج فؤاد الشيخ علي)
كربت يشمه اليوم ساعت منيتك /ابشوري خويه اعليك أرجع البيتك
ابوسط اخوتك موت وكتب وصيتك/مو بالغرب ونريد تشرح قضيتك
(الشاعرعبد الكريم محمد الغالي)
مثل ام ولد مفكود مظنيها همها/الحي يشمه عليك ونته برحمه
الصوره لاستاذي ومعلمي
الشاعر سلمان جبوري المهداوي
رد مع اقتباس
المشاركة الأصلية كتبت بواسطة sarah sona
