هنا

[فقار الكرخي]

أهجَّن مدري إلمَنْ،
وأرد مدري الوين!!!.
عايش عالسهر،
ومرادف الشوغات. . .
فطير وما عشت وجهين.
آخذني وأرد بيَّه، إلمسقط راس لوعاتي.
مِن أول حلم بصباي، الهسه الليل ما وَشَّل. . .
تعط من وجهي ريحة وادم ابلا راي،
تغرگ والچفوف اگصار، والماي اشتهاهم ماي.
صبح ظِلّي حجر عثره،
ويدلي السهام اعليه حته اتشوف.
الظلَّه ايصير ضده اشيهجر وشيعوف؟!!!
الحطب يتنومس ابماضيَّه عالحَطَّاب،
يواسي ابروحه شيسوِّي، يدري اتقاسمو طوله!
الدَّهر حَطَّاب، من حَطَّاب. . .
طَشَّر عشنه والشجره!
الورد ذنبه الترافه، ابنص سلف عاگول.
منقول

[النقيب]

كلمات رائعه تسلم ايدك اخي

[سمراء من قوم عيسى]

عاشت الايادي

["ايات "توته"]

كلمات رئعه
شكرا
تحيا كبيره لقلمك الرائع.

[علياء الموسوي]

رائع جا اخي يسلم قلمك
تحياتي

[علي الشمري]

من تريد اتهج اخذني اوياك

عاشت الايادي
روووعه والله