هنا

[فقار الكرخي]

ربيتك جنح يل ماخذ فياي
كبرت وبالجنح كسرت الاغصان
محسب ريش يطلع بيك وطير
بس ما حسبت تكرهني يفلان
صوجي اعله الجتف خليتك تنام
رمح وسوالفك گتالة انسان
فقيره عيون گلبي وطيب تشوف
حته السود بيض تشوف الالوان
وروحي اعله الغراب اتگول عصفور
امن اهل الله وحجيها شلون ماجان
عكس ما بيك روح تماكر الذيب
ومن ابليس ماخذ حلگك السان
من تضوج اصيرن امك وياك
ونته تضوج روحي تصير دفان
اذا تشتاگ اسهر وكتل النوم
وشتاگ شكثر وتگلي نعسان
تمنيتك صدگ بس هسه لا غير
هسه اتمنه كون وياك حلمان
الردن للثوب كشخه بلبسك يصير
اخرب كشختي وما ريدك اردان
عشگك عارفه وكل طبعك يخون
وعشگي ملوحه شايل مال معدان
خاف انموت باجر يوم الاحساب
احط يم الله بيني وياك حيطان




م

[نسمة مسك]

اذا تشتاگ اسهر وكتل النوم
وشتاگ شكثر وتگلي نعسان
تمنيتك صدگ بس هسه لا غير
هسه اتمنه كون وياك حلمان

الله روووعة عااشت الايادي دووم الابداااع

[تّـفـاَصيلـٓ]

ﻋﺸﮕﻚ ﻋﺎﺭﻓﻪ ﻭﻛﻞ ﻃﺒﻌﻚ ﻳﺨﻮﻥ
ﻭﻋﺸﮕﻲ ﻣﻠﻮﺣﻪ ﺷﺎﻳﻞ ﻣﺎﻝ ﻣﻌﺪﺍﻥ
اله روعه… يسلمؤؤ دمت مبدع

[علي الشمري]

الله الله
عاشت الايادي
اختيار رائع خويي