ماتردني لا وحك حيدر زلم
ماتردني لا وحك حيدر زلم
.................
اكلب العوجه وعدله بالبسمار.. ...وآنه اشك العين واسطع كلنهار
أمأيد مسدد انه بجف الفقار. .....لو اضرب بلركبه يطافر شرار
الكل عرفني اني ابو الغيره وشهم.. ...ماتردني لا وحك حيدر زلم
...............................
الموت بعزه ولا ذل الحياه........هي الكلمه تضوي يم نهر الفرات
واليريد الغيره ياخذ هلصفات.......طبع ابو الغيره على الذل مايبات
خادم العباس وشمحله هل اسم. ........ ماتردني لا وحك حيدر زلم
..................
كافي بس ريحه علك بيه اصول. ....... بس ابو الغيره بجفه بيه الحلول
مايهمني شماطعنت وشما تكول ......فدوه كلنه دمعه من العين البتول
المايعجبه خلي حلكه يلجم. ........ ماتردني لا وحك حيدر زلم
..................
عاده لينه الموت اقره كربله. ..... والرضيع بدمه يذبح حرمله
مايشيل السيف بس كدهه واهله. .....اقره من عباس درس المرجله
على شريعه طشر ومحد يلم. ...... ماتردني لا وحك حيدر زلم
.......................
شايل الندبه بديليلي والكساء... ....بروحي تشتم لو ردته كربلاء
بجفي يم نهر اخذت الوفاء..........فوك كل هذا رضه من رب السماء
عدي جف المعركه وجف السلام. ...... ماتردني لا وحك حيدر زلم
...................
عدي بيعه كل صبح للمنتظر .......موالي وجندي لامامي لو ظهر
ياخذ بثار الضلع الي نكسر... ....وثار جده النزف دمه يم نهر
خيره مثل الغيمه عالدنيا ويعم.. ..ماتردني لا وحك حيدر زلم
....................
الشاعره شهد المعموري
الان..
٢٠١٥.٥.١٥
رد مع اقتباس
المشاركة الأصلية كتبت بواسطة جنة الروح
