قصيدة بحق الامام الكاظم " أصبح هالطامور للكاظم معبد " 2015
عظم الله لكم الاجر واحسن لكم العزاء
بمصاب مولانا الكاظم عليه لاسلام
بين اربع جدران هالصوت اتهجد
اصبح هالطامور للكاظم معبد
ذل گيد العدوان
مابين الحيطان
اصبح هالطامور للكاظم معبد
××××××××××××××××××××××××
على اجبينه عشگ صامت *** اثر حب العباده اسجود
توضى من ضوا ليله *** شمس يمه سناها ينود
بسكينه اتسبح انفاسه *** ولاحدها سجن وقيود
لامنفى ولاهارون **** ياسندي اليچتف طود؟
رتــــل بالقــــــران
موسى اويه القضبان
رغما عن هارون وشما يتوعد
اصبح هالطامور للكاظم معبد
××××××××××××××××××××××××
بيارق عز ترف للدين **** تتربى بحضن احباب
چن موسى بعهد فرعون *** علمه يغرگ الاسباب
بطن سجنه اويه بطن الحوت *** يونس ماحمل المصاب
يالصبره غلب ايوب *** للحاجات اكبر باب
يونس ويه الحوت
موسى اويه الطاغوت
صدره ضم اهات لايمكن تنعد
اصبح هالطامور للكاظم معبد
×××××××××××××××××××××××××
جعلت امن الخطيئه ايمان**** سجودك مدرسه ودروس
كل ظنهم تأثر بيك **** تلهيك ابفعل مدروس
ياصوت ونغم ترتيل *** يالنورك فتح فردوس
سجدت ماتشيل الراس***وبعزمك حنيت الروس
مسجون السجان
من نور الايمان
شاف ابن الاطهار عن دنياه ازهد
اصبح هالطامور للكاظم معبد
××××××××××××××××××××××××
رحي وتدور هالايام*** واتجاوز فعل السنين
بعد العتمه والقضبان ****تلوح الگبه سگف العين
ضل مطفي اسم هارون *** عرشه وقصره صارن وين
تبقى انته ابن الاقمار*** دربك وي درب الحسين
مسگي بنفس الكاس
مسموم ومنداس
رضت خيل البين بافكارك مشهد
اصبح هالطامور للكاظم معبد
××××××××××××××××××××××××
ضحايا شكد ضحايا انشوف ****ولجسره گصدنه اليوم
نتقرب لابو الحاجات *** كل ظالم علينه يحوم
وارد اتوسع بهالباب *** وابدي الماخفه ومظموم
تتريس علينا اشرار*** تسكينه بفعلها ادموم
ردت هالاخطار
دم وثار ونار
بينه الغيره اتصير بركان وينهد
اصبح هالطامور للكاظم معبد
××××××××××××××××××××××××
نبگى انادي يالمعود ***عجل بالظهور وشوف
كل العتره مظلومين *** والشيعه بامر معروف
يم الكاظم ابذكراه ***جينه ننشدك ونطوف
دمعه غرگت بهالعين *** تنطر جيتك ومتعوف
جينه بطود هموم
ننده يالمظلوم
نلزم بالشباچ ولنورك مگصد
اصبح هالطامور للكاظم معبد
××××××××××××××××××××××××
تم النقل
رد مع اقتباس
