حاربوك ورادو بسجنك تضيع
حاربوك ورادو بسجنك تضيع
ونته ناس التايهه تعرفك درب
سنسلوك وطفو بعينك ضواك
والشمس تتمنه يم روحك تطب
خافو امن شمعه لا تسمع دعاك
تحشم الظلمه وتدليها الصدگ
موسى بالعصه وفتح ماي بعصاه
ونته عندك حيدر شتگدر تشگ
سنسلو رجليك لكن انته طير
ما تطير برجلك ، اطير بجنح
غشمه حطولك نهر ظلمه و حديد
والظلام شما كبر شيّب صبح
شربوك السم حسب ضنهم تموت
ونته نسمه شما حجو بسمك نشم
عدمو جفوفك ..ضوه افكارك تعيش
الشيعه دگو صورتك بالدم وشم
الرايد الله يزورلك ويفك اديه
يدعي والله الرايده يحطله شيحب
الصدگ يمك وعرفك صدگي حيل
وغيرك شما صدگو يطلع جذب
كاظم الغيظ انته لا مو ياهو جان
حته نتعناله ويگلنه استريح
الكلفه من تشتد نكورها ونجيك
ونته تگضيها گبل صوت اليصيح
ما اقارن بيك هارون الخسيس
وحاشه من انقارنك لا حته عيب
انته كون العجّبه تتقارن معاك
ونته ياهو اليوصلك حته العجيب
عجيب الضوء سجّدته وظلماه
وضل هارون طغيانه وظلماه
يكاظم تنصح الكافر وظل ماه
ابن ادم احسبه ايعود اليه
علي كاظم الصبيحاوي
رد مع اقتباس
