هنا

[ايفيان]

السلام عليكم ورحمة الله وبركاته

اود ان اعرف ما السبب في عدم وجود اي رسالة في صندوق رسائلي الخاصة سواء المقروءة القديمة او غير المقروءة الجديدة ؟؟؟ وهل بالامكان استعادتها جميعها ؟؟؟ لاني لم اقم بحفظها عندي ... وشكرا مقدما

[PAINTER BASSAM]

اختي العزيزة يمكن بقة الاعلان اكثر من يومين يمعودين نسخو الرسائل عالجهاز راح ينمسحن من ملفاتكم وسامر يعيط وسوزان تعيط والادارة صوتهه راح من العياط والتحذير تالي متالي انمسح الاخضر واليابس والله اني هم انمسحن نسيت انسخ يلله عادي

[ايفيان]

اهاا اشكرك ع التوضيح بسام ما كنت متواجدة لفترة طويلة لذلك مشفت التنبيه
يعني ما ممكن استعادتها للابد مو ؟ اوك الله يعوض ...
خالص تقديري وامتناني

[Suzana]

شكرا للتوضيح بسام لا يمكن استعادتها طبعا...

[Samer]

السلام عليكم ايفيان .. كل الهلا بيج

مثل ما كال بسام .. اني نشرت ملاحظة بقيتها اكثر من يومين .. .. و كان لازم احذفهن لان متراكمات بالسيرفر هواي اعضاء يتركون المنتديات و يبقى صندوق الرسائل مالتهم مليان .. و ايضا التغييرات اللي سويتها عل رسائل الخاصة و التنبيه اللي كتبته بالرسائل يتطلب أن تنحذف الرسائل تماما قبلها حتى رسائلي انحذفن

ارجو المعذرة عن اللي صار .. و ما تصورت أنه راح تصير هيج حالة يمكن جان المفروض اسوي تبليغ عام بالبريد الالكتروني قبلها بس تعاجزت .. و إن شاء الله ما نرتكب هيح اخطاء مستقبلا ..و إذا نكدر نعوضج بأي صورة احنه بالخدمة (بس لا تطالبين بمنصب المدير )

[ايفيان]

شكرا للتوضيح بسام لا يمكن استعادتها طبعا...

نعم للأسف ... شكرا ع التأكيد .Suz

[ايفيان]

وعليكم السلام ... وبيك اكثر Samer.... تسلم

و إذا نكدر نعوضج بأي صورة احنه بالخدمة (بس لا تطالبين بمنصب المدير

)

اااااااااااي جبتها (الحمدلله والشكر يا ربي) ... وعبالك بقلبي من اول ما سجلت بالمنتدى وانا عيني ع الكرسي .وبما انه مسحت رسائلي كلها (وبغض النظر عن العذر بالاخير اني يهمني النتيجة انه انمسحت رسائلي) ولا بد من تعويض مناسب لذلك مراح اعديها ع خير.... لازم تنطيني صلاحياتك كمدير مو هواية بس اسبوع ويصير لوني احمر همين وانت لونك من اهل الدار... حتى ما يصيرلك شي راح انطيك وقت علمود تتعود ع الفكرة بس ... ولان راح اكون لاكثر من شهرين مشغولة جدا وما اكدر اباشر مهامي القيادية باحسن ما يمكن وميصير نقص بتقديمي افضل الخدمات لاعضائنا الكرام ....
اعتقد هذا عدل ها ((((((ااااااكس مدير)))))) .... والسلام على من اتبع السلام .

[Samer]

هههههههههههه مممممممممممممم اني كتلج اي تعويض اقبل بيه عدا هذا ... بس مع ذلك .. و من باب المرونة و الديمقراطية اني اقبل بس عندي شروط بس

1- أنه تطرحين الفكرة (كونج مديرة مدة اسبوع بدل سامر) باستطلاع (تصويت) خاص (يعني ما مبين اسماء اللي صوتو) يصير بيه الخيارين (اقبل) أو (ما اقبل) و اني راح اخضع للتصويت مهما كان
2- .. مهما تكون نتيجة التصويت .. تتعهدين أنه ما تغيبين بعد عن درر العراق بارادتج أبد

[Ammar]

اني اقبل

[شيفرة دافنشي]

أقبل .. وكان من المفترض أن لا تجازف سيدي المدير لأن أحبابك هواي ههههه .. شوف سامر هذا تصويت علني يعني لا خوف من النظام .. ولكن الحق يقال أنك تستحق تصفيق إعجاب وتحية أخي العزيز .. ومبارك مقدما للصديقة العزيزة إيفيان المنصب الجديد