صار العمر محطات
يمته تسافر ياگمر وأوصّيك ؟
والوادم البيها الأمل تدليّك ؟
گالولي نيتك صافيه
وولايتك متصافيه
گبلك ردتلي مسافر اليندّل هلي ..
وگبلك ردتلي مسافر لديرة هلي ..
شگد دورّت . . ماحصّلت ..
وصار العمر محطات
عّديتهن وماكو عرف
وكل العمر محطات ..
وخفت أسأل بلايه عرف !
ويافشلة الملهوف ويدوّر هله إبمحطات !!
** **
وصفوك إلي النواطير ..
گالولي نيتك صافيه
مثل العشگ والأزهار
وصفوك إلي النواطير ..
گالولي روحك غافيه ..بين الوفه والأسرار
گالولي كل الليل يلتم مايطفيّك
گالولي كلكّ حيل والهّم مايمضّ بيك
وعيونك اللّي تحرس الگاع
تشبه عيون الناس والحب والعصافير
تالي العمر محطات ؟!
عديتهن ماكو عرف ..
وصار العمر محطات
وخفت أسأل بلايه عرف !
الشاعر زهير الدجيلي
رد مع اقتباس
