السلام عليك ياموسى ابــــــن جعفر
يـــــــــــــــاصفي الله يصوت المغفره
السلام عليك ياباب الحوائــــــــــــج
ياكظيم الغيض عنـــــــــــــــد المقدره
اشهد انك جاهدت ضد الـــــــــبغاة
او صرت للاسلام رايه او مفــــخره
صــــح كضيت اسنينك ابين السجون
لجن بيك السجن يتشرف تـــــــــره
صـــــح عليك اتامرت بعض الوجوه
لجن وجهك ضل مثل شمس ابثـــــــره
يلعدل انـته العدل مثل الرمــــــاح
او مـا اضن ينحني الطولــــه مصطره
سيف انته او مو ضعف من انحنيت
بس طبع بالسيف يقسي ابكفــــــــره
الجسر مـــــــا شال جثتك عالجفوف
جفك الشال الجسر والكنـــــــــــطره
والجفن مـــــن سجه روحك عالتراب
اتيمم ابحبك او صـــــله ابمنبره
بحر انته او مدرسه ابعالم الغيب
صعب تتفسر ابكلمـــــــــه او تنقره
بيش اوصفك يــــــــاسليل الانبياء
وانه منك لون ماوفيت ارجو المعـــذره
بيك يامولاي مـــــــن ريحة حسين
او عبق من تاريخ صـــــــــولة حيدره
اوبيك ايظا طيبة السجاد كلــــــهه
او غيرة العباس سبع الـــكنطره
وانته طلسم للصلاه وكـــت الاذان
اومنك اسرافيل يتعلم تـــــــــره
لن ابوك الصادق او جدك حـــسين
اشلون ماتجمع علم بيه مغفـــــــره
وانته رايه او ما اضن شمسك تطيح
لن طبع بالشــــمس ماتنصه ابذره
وانته علمت السجن يرفض خضوع
او فرق بين الدنك او حز منـــحره
ونته سويت الصبر مثل السيوف
اشما طعنهه ايزيد تســـــــفي المكبره
ضاكت الوسعه مثل حلك الزروف
اومن نخيتك ركض جدامي الفرج يلزم سره
للشاعر
علي الساقي
رد مع اقتباس
