عالجسر نعشك رميه = يا عميد الهاشميه
الكون لمصابك تكدر = آه ياموسى أبن جعفر
يا عميد الهاشميه =
------
هبت رياح المصيبه = وفتحت ابواب الحزن
وصوت من عرش الجلاله = ينحب وينعه ويوّن
عالطهر وابن الاطايب= والإمام الممتحن
بالطوامير المظلمه = والغياهب مرتهن
الليله حزنانه الشريعه = وانصدع كلب الوديعه
تصيح والمدمع تفجر = آه ياموسى أبن جعفر
يا عميد الهاشميه =
------
انثلم ركن الديانه = وناحت السبع الشداد
والمناير صب دمعهه = ولبست الكعبه السواد
زمرة الذل والخيانه = مارست نفس الفساد
بسابع انجوم الإمامه = وكعبة الحق والرشاد
أبظلمكم يا إمامي = تختلف بس الاسامي
هذا سم وذاكْ منحّر = آه ياموسى أبن جعفر
يا عميد الهاشميه =
------
تختلف بس الاسامي = بين هارون ويزيد
النهج والغايه وحده = اشما ظهر ظالم جديد
يتخذ نفس السياسه = وظلم يوم الطف يعيد
بالامس سيف الضبابي = اليوم سجن اللارشيد
والنواعي بكل جريمه = تصيح ياربي الظليمه
والحزن نيرانه تسعر = آه ياموسى أبن جعفر
يا عميد الهاشميه =
------
يا بني العباس انشد = يلي ما صنتوا الوفاء
بسم ثار حسين اجيتو ا = من رفعتوه ادعاء
عالجره بعتره نبينه = ما كفتكم كربلاء
جنهه وصتكم أميه = ووّرثتكم هالعداء
مثل ما سوّت اميه = همكم الدنيه الدنيّه
من الطفوف الصوت كبر = آه ياموسى أبن جعفر
يا عميد الهاشميه =
منقول
رد مع اقتباس
المشاركة الأصلية كتبت بواسطة النقيب
