هنا

[¥محبوب$القلوب¥]

اليحـب النـبي واجـب
يحـب عمـه ابو طـالب
واليبـغـضه نـاصـبي ** يعـني يبـغض الـنبي
شيخ الاسلام ابو طالب شيخ الاسلام
-----------------------
بالشرك ترمونه عمداً .. وابـد ماعدكم سند
غيره ما اذكر اسماء .. الـلاة والعـزه عـبد
من گبل مبعث نبـينه .. هـوه للباري سجد
وچان ابو طالب نشيده .. قـل هـو الله احد
اعرف شنهو الاسباب
بغـض ابداحي الـباب
ايظل فكركم مذهبي ** يعـني يبـغض النبي
شيخ الاسلام ابو طالب شيخ الاسلام
-----------------------
كلمه للـتاريخ نـذكر .. امن الحقايق تنحسب
دققــو زين ابكــتبكم .. امزوره بعض الكتب
هالرجل لو مات مشرك .. موتته مو بالشعب
خــل يفــكر بالــكـلام .. اليحب والي مايحب
آمــن گـبل الاول
حقيقه وبيها اسئل
واليخالف مطـلبي ** يعني يبغض النبي
شيخ الاسلام ابو طالب شيخ الاسلام
-----------------------
النـبـي اصـلاً يتـيم .. اتيـتم وهـوه طفل
ابيت ابو طالب تربه .. وبالـحقايق مـانزل
اليخـالف هالعـقيده .. بالعـقائـد ينـسـئل
اليربي نبي مشرك .. هـاي لامـاتنــعقل
اليفكر بالأجــابـه
غلط حچي الصحابه
والي مايقـنع غبي ** يعني يبغض النبي
شيخ الاسلام ابو طالب شيخ الاسلام
-----------------------
الأدلـه هــواي عـندي .. خَلصـت لا لا تـــظن
الـيحــب النـبـي لازم .. بأبـو طــالب يـمتحن
ليـش لَـمن مـات عمه .. ( سُميه ) عام الحزن
مثل لو نفترض مشرك .. على المشرك مايون
النبي من مات عمه
ذكـرتو انـتو هـمه
والذكرها صاحبي ** يعني يبغض النبي
شيخ الاسلام ابو طالب شيخ الاسلام
-----------------------
هـوه ربه النبي بيده .. واعـز مـن ولده اله
ايحبه حب ابلا حـدود .. وعـلى اولاده فَظـله
الهالسبب يهواه محمد .. وإلـه اعـظم منـزله
من توفه بشعب مكه .. النبـي بـيـده غـسله
سند للمصطفى چان
ابغيابه عاش الاحزان
الهالكـلام المايبـي ** يعني يبغض النبي
شيخ الاسلام ابو طالب شيخ الاسلام
-----------------------
مسلم ايعـرفونه همه .. گلـبوبـهم ماتنجـلي
ينرمي بالشرك وسفه .. بغـضاً بحـيدر عـلي
علي باقي على ساقي .. وغيره لا ماكو ولي
ابتليـتو ابحـقد حـيدر .. واحنـه بالحب نبتلي
كافي كافي تظـليل
علي عن دربه منميل
إلجحد خل همه بي ** يعني يبغض النبي
شيخ الاسلام ابو طالب شيخ الاسلام
-----------------------
تمت والحمد لله

حيدر تركي الكربلائي

[كرار الغراوي]

بوركت ابو حسين

[¥محبوب$القلوب¥]

بوركت ابو حسين

الله يبارك بيك عزيزي كرار